يقولكم ياطويلين الأعمار
" إن كثير نسمع عن بيت شعر ولا نعرف من قايله
مير اللي سامع السالفة زين على زين ،،
لكن اللي مايعرف وش قصة هالبيت هذا يقرب شوي لأجل ينتبه لهالسالفة
وهو كالتالي "
اللي يبينا عيت النفس تبغيه
...............................واللي نبيه عيا البخت لايجيبه
ومردود هالبيت " قصة ذائعة الصيت فهو بيت من قصيدة للشاعرة نورة الحوشان ،،
حيث كانت تعيش مع زوجها عبود بن علي بن سويلم وقد وقع بينهما خلاف ادى الى طلاقها
طلاقا لا رجعة فيه وبعد الطلاق تقدم الكثير طالبين الزواج منها حيث انها امرأة جميلة
ومن عائلة معروفة وقد رفضت الزواج بعد زوجها عبود الذي كانت تحبه
وترى فيه مواصفات الرجل المثالي وذات يوم كانت تسير على طريق يمر بمزرعته
وبصحبتها أولادها منه عندما مرت بمزرعته رأته فوقفت على ناحية المزرعة
وانطلق الاولاد للسلام على ابيهم وبقيت تنتظرهم الى ان رجعوا اليها فأخذتهم
واكملت مسيرها وقد تذكرت ايامها معه وتذكرت من تقدم الى خطبتها بعد طلاقها
ورفضها لهم فقالت قصيدة مؤثرة مطلعها :
ياعين هلي صافي الدمع هــلـيه
* * * * * * * * * * واليا انتهى صافيه هاتي سريبه
يا عين شوفي زرع خلك وراعيه
* * * * * * * * * *.شوفي معاويده وشوفي قليبه
من أول دايم لراعـيـه نــمـــالـيه
* * * * * * * * * * * * واليوم جيتّهم علينا صعيـبه
وان مرني بالدرب ما اقدر احاكيه
* * * * * * * * * * * * مصيبة يا كبرها من مصيبة
اللي يبينا عيت النفس تـبغيه
* * * * * * * * * * .واللي نبيه عيا البخت لا يجيبه
وسلامتكم ....
نورة الحوشان ،، واللي يبينا عيت النفس تبغيه ...!!! 
العرض العادي
