قـال إنفعلـت , وقلـت روق وهــدّي = لاتـأخـذ المـوضـوع مـأخــذ جِـــدي
إعرض عـن الجاهـل وخلـك عاقـل= فــوّت كثـيـر مــن الـكـلام وعــدي
أنـــا مـجــرب خــطــةٍ مــدروســه = إلــيــا بـلـيــت بـجـاهــلٍ مـتــحــدي
أقــول يـابـن الـنـاس مـانــي قـــدك = وانـا ادري إنـه صـدق ماهـو قــدي
لكـنـي ابـعـد عــن جــدال الجـاهـل = يـغـثــنــي وإلا يــبــيّـــح ســـــــدي
وإلا بــدر مـنـي طــوارف هـرجـه = يسمـع بهـا العاقـل وتحسـب ضـدي
وانـا مـع العـاقـل رصـيـدي عـالـي = الــلــي لـيـامـديـت قـــــدّر مـــــدي
مـاودي أخسـر مـن رصيـدي عنـده = لــو إن ضَــد الخـصـم غـايــة ودي
لكـنـي اسـمــع هـرجـتـه وازهـلـهـا = وانــا عـلــى دعـــواه جـاهــز ردي
خــلــه يــعــوّد مـقـتـنـع بـافــكــاره = واللـي يجيـب مـن الـدروب يــودي
وإليـا زهمنـي قلـت مـانـي فـاضـي = أمـــــر وارد الـــســـلام مـــعـــدي
بعـض المجـالـس ماتنـاسـب مثـلـي = أفضـل مـن إقبـالـي عليـهـا صــدي
والله عن اصحـاب الـردى مغنينـي = اجــوع وآكــل لقمـتـي مــن كـــدي
الله يــرحـــم شــايـــبٍ وصــانـــي = ويـقـول هــذي مــن وصـايـا جــدي
مـن سـار فـي درب الكرامـه يكـرم = ومن سار في درب الـردى متـردي
وصـيــة الـشـايـب وانـــا حافـظـهـا = من قبـل مايبـدي الشعـر فـي خـدي
واليوم أخذت مـن التجـارب قسمـي = واعرف حدود الناس واعرف حدي
قصيدة الخطــة المدروســــة للشاعر عبدالله الطلحي 
العرض العادي
