لولاي أحس بداخل الصدر دقات
ماكنت اصدق أن قلبي محلـــه!!


أستغفر الله كيف ذا القلب مامــات؟؟؟
وشلون ينبض عقب ماراح خله؟؟؟


يا كثر ماجاته من الناس صدمااااات
كل المشاكل قيدت في سجلــــــه


وآخر مصيبة زادت الطين بلات
مرض الحبيب ينهش الجسم كله


فرقا الحبيب اللي يعجزن الأبيات
عن وصف حسن وداده ودلـــــــه


كان الأمل كان الرجا كان مرسات
أرسي على جاله وأقيل بظله


كانت محبتنا على شكل غرسات
تكبر وتطرح ورد وازهار فله


لكن زماني مارضالي مسرات
داس الزهور ونابت الورد تله


قصة حياتي أصبحت شبه "مأسات"
قصة حزينة والنهاية مملـــــــــــــه


ابطالها : دمعــــــــــــــــــــــــــه
وو نــــــــــــــــــــــــــــــــــــــه
وآهـــــــــــــــــــــــــــــــــــــات
وغلافها الحسرات والشاهد الله ..