لو ني سألت الروح ملقى جوابه = عزاه ياوقتٍ مضى دون مصلوح
قلبي قفل عن كل مخلوق بابه = دونه ودون اللي يبي غربة الروح
قلبٍ ولو جار الزمن ماخطابه = بينه وبين الفرح ياغربتي شوح
الناس ماتدري من اللي سطابه = اضحك بوجهه داخلي تنزف جروح
من زود حزنه طار منه صوابه = عاف الحياه وفارقت روحه الروح
اللي قتلني من جفاه وعذابه = يدري وانا ادري عبرتي ترفض البوح
عطشان أنا واشرب صحاري سرابه =عزاه مامرت ولا لحظة فروح
كان الزمان اللي بدا وانتهابه = مافادني كني عن الحب منزوح
واعيش وقتي بين هم وكآبه = انا الغريق وفي البحر مركبي لوح
يكفي عذاب اظن ماهي طلابه = وشفايدة تجريح جسمٍ بلا روح
هذه قصيدة اعجبتني ولكن مع الاسف لا اعلم من قائلها .. ارجو ان تعجبكم
((( غربة الروووح ))) 
العرض العادي
