كل يوم أقول في باكر أمل= وان حضر باكر رجيت اللي وراه
ارفع الهقوات لو حظي نزل= وأقنص القاع الذي ما احدٍ وطاه
المراجل ما بطلبتها خجل= يخجل اللي يقدر الطيب وعصاه
السنين اشعار والشاعر مثل=يفهمه من شاف بالعقل وقراه
اكتب الأيام في شعري غزل= كل بيت عاش في عمري حياه
مرت الستين والشايب طفل= توي أدرس في كتاتيب الحياه
مرت الستين مازال الجهل =كل ما جيت أستره يكشف غطاه
مرت الستين فكري ما اشتعل= كلما اشعل جذوته وقتي طفاه
مرت الستين دربي ما كمل= واقفٍ في راسه أتأمل مداه
التفت والوقت يدفعني عجل=ما انتهيت من أمس وباكر ذا سناه
مرت الستين لخالد الفيصل 
العرض العادي
