السلام عليكم :
اعتذر كل العذر عن انقطاعي عن المنتدى لظروفي الخاصة
واعتذر مرة أخرى عن تقصيري بالردود على الأعضاء
وليعلم الله اني أعتبر هذا (المنتدى) متنفسي النقي
الذي أجد فيه راحتي النفسيه ..
ومن هذه القصيدة .. أكيد تعذروني ..وتقدرون موقفي
ياغالي خاب الرجاء فيك وش فيك = تنكر على خل عطاك الحناني
بعت الحبايب كلها يوم نشريك = وعفت القرايب من بعيد وداني
وفتحت لك قلب غرامه شبابيك = وفرشت صدري لك قصور ومباني
تغلط وتزعل وأتنازل وأراضيك = وأدمح لك الزله ولاشي كاني
تكثر مطاليبك وأنا أقول لبيك = ماهو ضعف لاشك حبك سباني
وش غيرأطباعك على قلب غاليك = منهو قلب دنياك والحب هاني
غدرت بي ياشين ربي يجازييك = يجزاك ربي ياخسيس المجاني
رفعت كفي وأطلب الله يوريك = ياخاينٍ .. حظ الفلس بك رماني
ياما وياما من الدراهم وأنا أعطيك = وختامها ضرة تصير بمكاني
ليته كحيله قل تعرّب مجانيك = أو بنت نجديه له العز شاني
بفيزةٍ جبته .. وإبليس مغويك = مصرية المجنى وهذا جناني
عطني ورقتي لعنبو قلب مغليك = مانت كفو يالكدش.. بنت الحصاني
وتقبلوااا خالص تحياتي
اختكم / شماليه
تنويه :
نعتذر لأصحاب الرسائل الخاصه الذين سألوني عني
سلامكم وصل ..ومشكورين على مشاعركم الطيبه
ولااقدر ارد عليكم لأن صلاحيه الرسائل غير مفعله عندي
بسبب قلة مشاركتي التي لم تصل نسبة الصلاحية المطلوبه ..
عطني ورقتي .. لعنبو قلب مغليك 
العرض العادي
