برقٍ ينوض وناض قلبي مع النوض = ينوض برقه والحشى بارقه ناض
من يوم شفته يشْعق وحوّل يجوض = رحت اتلمّس خافقي تحت الانقاض
يومه طرالي من (خَشَر) طوله عروض = ريانةٍ من حِسنه البيض تغتاض
ياعوده الليّن وياواسع الحوض = ياخصْره الضيّق وياليل لافاض
ياميلة الزمْلوق في زاهي الروض = فيك إتّباها من رياحينك رياض
ياتوت..يارمان..ياخوخ معروض = في سوق حسْنك والبها نبتت فياض
الزين يوم انه عليك انت مفروض = مازاد من ربي يجي ناسٍ احضاض
في غيبتك مابالمخاليق بيعوض = لو يجتمع زين البشر عنْك ماعاض
فيك انت مالي والمشاعر لو اتخوض = حرب الشعور وجندي متونه غلاض
هذاك عرشك..بين الاضلاع منهوض = للعمر لذّه والمنايا له حياض
عبدالله بن سالم الضبعان
......هذااك عرشك 
العرض العادي
