السلام عليكم ورحمة الله
بدية ً اهنئ نفسي على وجودي بينكم من متذوقين وشعار أعجبت بهم كثيرا ً ,
أتمنى أن تجدوا مني ما يرقى إلى ذوائقكم الجميلة ,
وتلك هي أول مشاركة لي في منتداكم الرائع وأحببت أن تكون بداية انطلاقتي من هنا ,
طبعا ً لايوجد لدي أي عنوان لها ,, لأنها من (( تفتري )) اليومي الصغير !!
طير ٍ غدى لي ياعضيدي وانا ادعيه
من عقب ماكانت كفوفي محله
::
ماهيب له عادة ولاهي مواريه
يتبع دروب القيل والقال ,لله
::
سند على الضلعان وعيني تباريه
هو مادى ويش القدر ناوين له
::
ليته زبن بضلوع صدري وانا افديه
القلب له مفرش وعيني غطا ً له
::
قمت اتحرى له وزلت حراويه
من فوق ذيك النايفات المطله
::
قام يتغلى لعنبو قلب مغليه
مايدري ان الموت قلبي يتله
::
ياكيف حـب ٍ ياعشيري تخليه
ومني انا لك مابدر اي زله
::
ياحمود قل للطير يرفق براعيه
ياحمود تكفى لاتخليه قله
::
شفني أموت شوي وشوين ادعيه
عله يجاوب نوح هالقلب عله
::
ماهو حرام إن كان قلبي معنيه
الا حلاله وكلني فدوة له
::
بس المهم اشوف زوله واراعيه
كل شي يهون ولاتقلون خله
::
والله كان الله بالحلف يرضيه
اني فلا غيره اشوفه بدل له
::
يامن يرد الطير يمي وانا ارضيه
ويامن يرد الخل لأحضان خله
::
ماريته ياحمود إن قالوا اش فيه
دنق على صدري سبوقه تدله
::
شيهانة باقي طموحي بكفيه
والعين مخلابه وسيف ٍ تسله
::
كن القمر يعكس بايضه بخديه
مدري خدوده مصدرالنور كله
::
هذا حياتي كل ما حل طاريه
كن الوله شيخي وانا كاتب له
( واعذروني على آخر شطر من القصيدة فأنا أبرأ الى ربي إن أوقعني بالمحظور )
وسلامتكم
بقلمي.. فهد
مصــــافحــــتي لــــكــــم وقصيدة أتمنى أن تنال إعجابكم 
العرض العادي
