ياالله يامنشى سحاب وريحها تهبي = سحاب غبر وتزبر برق ورعود
تهامل وآبل مطرها بأمر ربي = تسيل ديار الجفاء ويخضر كل عود
اتذكروقت مضالي و يفز قلبي = ايامنا الحلوه عدت ويا عساها تعود
واهيم في زمان الصبى وخايله بجنبي = نفسي لذكريات الماضي تنقاد قود
يوم الصديق للفزعات والشدة يلبي = زمان اول النوايا ماتعرف حسود
رجالها على الفضيله والاخلاق متربي = اهل الطيب والكرم بأفعالهم تجود
وحنا في زمن النذل بالصداقه متخبي = يبيع الوفا لا جل مال (ن) معدود
فرقا الغالين ونار الهجير تشتبي = وبالصبر تبرى الجروح وايامها السود
ناس فرقاهم عيد وناس وهبتهم قربي = لاتراخت الموده حبلها عندي مشدود
تعصف بي الاحزان وكثر الهم يلعبي = حزني كبير والحزن مايرجع المفقود
يندثر الطيب من كان قلبه بالحقد متعبي = والجمايل ارمها في البحر ولاتنتظر مردود
امشي دروب المراجل ولاضيعت دربي = درب الرجال لا ضيعته ماعنك منشود
وقت مضي 
العرض العادي
