ياحــــروفي عـــلّليني ...

قـائـمـة الأوسـمـة · 15-May-2008, 11:20 AM

ياحروفي علّليني دامني حيل متضايق=واوقدي شمع المشاعر واكتبي همّي قصيده
في فؤادي ياحروفي مثل مضروم الحرايق= كل ما قمت استخفّه قامت الدنيا تزيده
شابت جفون الليالي ماوفت لي بالحقايق=عن امورٍ حيّرتْ فكري .. وأسئلْةٍ عديده
عن تبسّم ثغري المدفون في حزن الخلايق= عن تهاني عيد عمري عن فرح عمري وعيده
عن زهور احلامي اللي موّتتْ وسط الحدايق=عن فؤاد اوناسي اللي كان يسقيني وريده
عن ركايب حظي القاطن على عِدّ الوفايق = وش بلاهم ثوّروها وانتووا منزاح بِيده
اذكر اني قمت اطاردها مدى جهدي واوايق= كل ماوافيت رجمٍ واصرخ بصوتي واعيده
ليما حدّتني العوايق .. قاتل الله العوايق= واشتكت رجلي حفا الرمضا وبيّدني وقيده
وين راحت .. وين نوّت .. ويش سالفْة البوايق = اللي طاحت في سموعي منها جمله لا مفيده
مدري والله والحكايه ماخذت الاّ دقايق= كنّها حلمٍ جميل ٍ ختمته صارت نكيده
عقبها ادمنت اعدّي في حجا الميهاف ضايق= اتعجّب واتحسّب من شقا الدنيا العنيده
تطلع الشمس وتغيب وخاطري ماهوب رايق=تطلع الشمس وتغيب وولحظتي ماهي سعيده
خبت ياحظي علامك خنت مرسوم الوثايق=اشهد انك كدتني وابدعت في حبك المكيده
كنت اظنّك للمواصل لآخر المشوار تايق= واثرك مزون الخريف اللي سبا قلبي رعيده
بان غيبك قِدِم عيني وانجلت عوج الطرايق= ومن فضحه الرب صعبه يستر العورات بيده
إغتبط لا ساق دمعي من على الخدين سايق= وانبسط لا طق سمعي جرتي صوت النهيده
انتهيت وْلا بقى لي في سراب العمر شايق= غير ذكراي القديمه .. والأمانيّ البعيده

.
.

قـائـمـة الأوسـمـة · 15-May-2008, 11:28 AM

تسلم يابو وليد وصح لسانك

قـائـمـة الأوسـمـة · 15-May-2008, 03:47 PM

تطلع الشمس وتغيب وخاطري ماهوب رايق
تطلع الشمس وتغيب وولحظتي ماهي سعيده

خبت ياحظي علامك خنت مرسوم الوثايق
اشهد انك كدتني وابدعت في حبك المكيده

شاعرنا العذب / خالد الوقيت

لاكلام يليق بهذه الرائعه بكل صدق

إبداع

وإبداع

وإبداع ماوجدته هنا

صح لسانك إلى مالا نهايه

تقديري .

قـائـمـة الأوسـمـة · 15-May-2008, 04:27 PM

خالد الوقيت

صح لساانك ..,لاهنت

حضور شعري متميز ...واحساس راقي وصادق

نثرته لنا هنا ,,

لله درك ..سجل اعجابي بهذه المعزوفه العذبه

تقبل خالص تحيااااتي

قـائـمـة الأوسـمـة · 15-May-2008, 07:00 PM

هنا حضور شعري من النوع الراااقي

والراقي جداً

كلمات لم استطع الابتعاد عنها فقرأتهاه اكثرمن مره

خالد الوقيت

الله يبعد هذا الحزن ويجعل ايامك سعاده

صح لسانك وطاب فالك

تقبل مروري

قـائـمـة الأوسـمـة · 15-May-2008, 11:37 PM

خالد الوقيت

صح لسانكـ

حضوركـ مميز ... واحساسكـ رااااائع

تقبل مروري ودمت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري