.
للجمال جاذبيه فاتنـه .. ليس لها تفسير أو تحديد تظهر بكامل ( المظهر )
وبمـا يبدوا لي من ( هيئــة ) لا تشبـة إلا .. ( السحــر )
الروح تصرخ صرخة اللي ضامه
و قت الغثا و سنينه المحرومه
على الحبيب اللي بخده شامه
مزروعتن في جنبها يشمومه .
كل العيون اللي تشوفـ أيتامـه
وكل الملا في شوفته مغرومه
لا مره الليل الطويل ونامه .
أقول ياحظ السرير بنومه
لا شفت في عينه بريق حسامه
أيقنت بإن المعركه محسومه
من كثر ما يغريني بهندامه .
حسدت والله ضيقات هدومه
لو يلبس الخيشة تحول خامة
من قده اللي لوحة ٍ مرسومه
عليه عنق ٍ ماوقف قدامه .
أطلق فتى شواربه منظومه .
لو شافه اللي يقال له علامه .
يمكن من الشوفه تضيع علومه.
عليه نهدن يشبه الشمامه .
وإلا كما طعسن عليه رجومه .
يضيع به دمـــامــي بدمامه .
ويتوه به قيصومي بقيصومه.
وظهيـرن ما كنـــــه إلا جامه .
به فوق مابه من جمال نعومه
له قامتن ما شبهوها قامه
وإن قام كنه قومتين بقومه
من النعم تبطي تشوف إعظامة
كنـه سما وحدودها منجومــة
وأصابعه ما كنه إلا أقلامه .
وإلا قناني بيرتن مختومه .
حتى خواله يحسدون أعمامه .
كلا تمنى صاحبي من قومه .
إن راح كني عايش بدوامه
وإن رد كني ديرتن موسومه
حتى القمر من ضي عينه لامه
وشلون أنا ياصاحبي مالومه
شفته مقفيني وجبت الطامه .
وشلون لو بإعانقه بقدومه .
عليه صدري قالبن سوامه
نيران حمراء بالحشاء مشعومه
أجمل جميلــن شايلتـه أقدامـــة
ياعل بطـنـن جـابتـــه معصــومة
لو طاله اللي يومـ شافة رامــه
مبطي لقيته من كثر ما أرومــــه
عليه مني .. شاعرن ما صامه
وامن السماء ياصاحبي ديمومـه
بسـ إنـ ذبح قلبي على سلهــامـه
قولوا له إني راضي ٍ مقسـومــه
لو جتني ألغامه تسوقـ ألغامــــه
لا ياحلا .. مــداتــه الملغـــــومـه
الحبـ مبطي .. مقفين بهيـــامـــــه
عساه يرحمـ نفسي المهمومــــه
لا عاشـ من ضامه وأنا قدامـــه
ماني محمد لو عـتقـت خصومـه
ــــــــــــــــــــــــــــــــــــــــــــــــــ ـــــ
شعــر / محمـــد الطيــــار
. . . . . . . . .
أجمل جميلـن شايلتـــه أقدامــــة . . . 
العرض العادي
