السلام عليكم ورحمة الله وبركاته
مساكم الله بالخير جميعا
هذه القصيدة رد على الشاعر تركي بن عطالله المطيري على قاف قصيدته الي يقول فيها
خلو كرم حاتم وماضي عهوده=سلطان يعطي شي حاتم مايعطيه
قال الذي بالقاف محسن ردوده=شاعر وبيته دايم الدوم بانيه
القاف عنده من موارث جدوده=لاجابه انهابه ولاجاه شاريه
القاف عندي ماتعدا حدوده=مبطي وانا قافي عن السب ناهيه
ثم جدده منهو حرامٍ وجوده=شاعر يبي يشهر على غير طاريه
ذم الكريم وذم ماضي عهوده=ذم الذي بالطيب ترعد مناشيه
المصطفى يالهيس اكبر شهوده=والموقده تشهد وتشهد حسانيه
وتشهد جبال المملكة مع نفوده=وهاذي قبايل نجد تشهد الماضيه
للجود جود ومنبع الجود جوده=ذبحت فرس حاتم تكفي الطاريه
جيبو كرم حاتم وخلو حسوده=بالطيب حاتم ماحدٍ ابداً ايباريه
وقولو الاتركي لايتعدا حدوده=ترنا طنايا للعدو دوم ناتيه
بالطيب يمشي او نمحا وجوده=ياويل منهو لا نوينا نعاديه
نرجمه رجم ابليس ونرجم اجنوده=الي نوانا بشر والله نواطُيه
والمخطي زيه لايحاول يعوده=نعطيه درس وباقي الدرس ياتيه
وسلطان ياتركي سلايل جدوده=شيخٍ بلا مدحك افعاله تزكيه
حرٍ تعلا واشتهر في صعوده=وحنا تحت حكمه وللموت نفديه
ماقل دل وقلتها في انشوده=الي عدا حاتم حنا انعاديه
وســــــلامـــتــــــــكـــــــــم
اخـــوكــــم/ مـــتـــعــب الـــلــــغـــيـــصــــم
ردي على الشاعر تركي المطيري لتعرضه لحاتم الطائي 
العرض العادي
