الارقام ياللي تدعي كثر الارقام = ماحطتك للمجد والفن هامه
ماتذكر الماضي ولاتشوف قدام = وماتلتفت لاهل العقل والشهامه
ماينكر الواقع جهالات واوهام = الحق واضح والغشامه غشامه
وماينكرالتاريخ إلا هالاقزام = ومايمحي الصحوه قليل الفهامه
ماتاصلون الشمس اعوام وأعوام = وماتحجبون شعاعها بالغمامه
مجد بفعايلنا مهو بفعل الاعلام = حتى غدينا للتميز علامه
سخر على كيفك مقالات واقلام = ماتلمس حروفك كبير المقامه
اكتب شهر والا سنه أو مية عام = النور نور والعتامه عتامه
الحق قلته كامل وواضح وتام = واللي يغالط ماعلي من كلامه
الحق اقوله لو ورا قوله إعدام = أمـــوت لكن مـــاأذل الكرامــه
آقول لاخلصت من عد الارقام = (ترى النــصر دايـــم للامجــاد هـــامه)
الارقام ياللي تدعي كثر الارقام ـ ماحطتك للمجد والفن هامه 
العرض العادي
