السلام عليكم ورحمة الله
أسعد الله أوقاتكم بكل خير
أضع بين أيديكم هذه القصيدة
وأتمنى أن تنال أعجابكم
كل ماجيت أزرع الطيب وأسوي جميـل
الجميلـه تالـي الوقـت قلـو ناسـهـا
الجميله مابقى مـن عربهـا إلا القليـل
مابقـى إلا عالـمٍ كاثـرٍ وسواسـهـا
والجميله ماتناسب مع النـذ ل البخيـل
لوبغاها ماعـرف ذيلهـا مـن راسهـا
راح جيل المعرفه وابتدا جيـل المديـل
وابتلشـت بعالـمٍ ماعرفـت اجناسهـا
تختلف الاجيال ويصير جيلٍ بعد جيـل
والاوادم يختلـف فعلـهـا واقواسـهـا
لوبغيت تعـدل النـاس شـيٍ مستحيـل
فرقهـا بافعالهـا مايـجـي بلباسـهـا
لاتحط ضعيف النفس بالطرقـه زميـل
دوّر اللـي لاتكبـر خطرهـا داسـهـا
والضعيف جنبه مامعـه حيلـه وحيـل
رافق اللي قد سبح في البحور وقاسهـا
واشهد ان ضعيف النفس مايصلح عميل
والضعافه عند ناسٍ ضعيـف احساسهـا
ما إبغي النفس الضعيفه ولا الرجل الذليل
كـل ماجينـا نسـوي جميلـه حاسهـا
أفتخـر فـي عاقـلٍ مايعيـل ولايميـل
خطته لامـن رسمهـا يعـرف قياسهـا
يحتمل طول المسافات والخـط الطويـل
لاتعكـر جـو نفسـك يزيـل عماسهـا
الحكيم اللي على المعرفـه رايـه دليـل
مـن رجـالٍ بالمواقـف قـويٍ باسهـا
أشهد ان الظلم والخوف والحال الهزيـل
حاجةٍ تثر على النفـس فـي مجلاسهـا
واشهد ان الصبر زين ولـه وزنٍ ثقيـل
مزبنٍ للنفـس لامـن كِثـر هوجاسهـا
ليت بعض الناس حرفٍ نزيله بالمزيـل
من حروف تنمسح لا انمسح قرطاسهـا
ماتصير الحنظله مثل شكـل الزنجبيـل
لـو تغيـر شكلهـا ماتغيـر ساسـهـا
وهي من روائع الشاعر/مبارك فايز السبيعي
لـــــكــــم كـــــــل الـــــــــــــود والأحــــتــــرام
لاتحط ضعيف النفس في الطرقه زميل@دوّر اللـي لاتـكبـر خطـرها داسـهـا 
العرض العادي
