برق حائل انا حلمت حلم خطـــــير=شفت لي نجم نوره غط نور القمر
وشاب راسي من اللي شفت واناصغير=والقمر يازميلي زاد غيض وقهر
وانت رجال عارف في السوالف بصير=ولايعرف العلوم الا بعيدالنظر
تعرف العلم وانت للمكارم سفير=والنشامافي الشدة تشد الظهر
وكل طير بلا جنحان ماله مطير=والسوالف لها يابرق بطن وظهر
ياعسى العلم خير وياعسي فال خير=والله انه يجنبنا دروب الخطر
ويش راي ابوعبدالله نبيع البعير=او نحط الشباري في فجاج النحر
بعد مارخصت العملة وغلي الشعير=والذهب ضاع مابين البدو والحضر
وكل واحد نصب نفسه جلوجي خبير =يعرف اللؤل والمرجان جوف البحر
جاك علمي وحبل الكذب قالوا قصير=مابطول كتبت العلم بالمختصر

يالله يالمعبود عسى الحلم خـــــــير= ويرزقنا رب الكون ويجيب المطر
يالله التوفيق والخير الكثـــــــــــير = وتوفق ابو سعـــــــد بالازم صقر
يابو سعد يرجوك اخوك الصـــــغير= وانا ادري اللي قلت ياخــوكم قهر
البعير اللي على حمله يغــــــــــــير= لو يزول البرق من عــــقبه خـطر
خلنا نمشي مع الدنياء نســــــــــير= نمشي مع العالـــم وانشوف القمر
كل ما بهالدنيا يالغالي يطـــــــــــير= وش ثمرت الناس من دون الشــكر
وبالاخير انا معك في كل ســــــــير= ان بغيت بليل او بعز الظـــــــــــــهر

عشت يابرق يالنشمي اخوي الكبير=ولوعطوك الوزارة لي كل الفخر
والادارة يمشيها نظام المدير=حسب مايرغبه ان غاب والاحضر
وانت يامفسر الاحلام حلمي غزير=ما يحلونه الشطار زيد وعمر
والسوالف تراها سر في وسط بير=والمسافر يجوز اله الجمع والقصر
والبقرلوتجنن في الزمان المرير=تزعل الهند من جنه وتضحك مصر
ولايغشك شريك في البضاعة خشير=مار ودي تحط الكي فوق الفجر
وادهن السير ياالنشمي لعله يسير=وامش درب السهل وترك طريق الوعر
وانتبه يازميلي لايميل السرير=ولاتطيح السيوف ولايفيض النهر
وجونا ياهل الطائف يشابه عسير=جوفي غاية الروعة وغيم ومطر
والبدو في الربيع يكثرون المظير=والقرى في الخريف يجمعون التمر
والبعير العفر في مبركة يستدير=لابس فرو الارنب فوق حمر الوبر

عاشت ايامك يالله عسى عمرك كــــثير = واطلب الله وارتجى خلاق البشر
تبقى لخوكم ذخر باليوم العـــــــسير= واحمد الله دامك لي بالدنياء ذخر
لو تجمع جيش حسني والبشـــــــــــير= سدكم محفوظ في وســـط الصدر
وليت ماتمنى برق يالغالي يصــــــــــير = معزتك ياخوي في صــدري قصر
والبعير اللي ذكرته يستــــــــــــــــــدير = خله على المبرك لو يبـــقى شهر
لو رغى لو قام يلفـــــــــــــــــاله بعير= من وراه البرق يكســـــــــرله ظهر
لو تجنن لو هدربالمبــــــــــــــرك هدير= خله تشابك جنونه بجنـــــون البقر
اترك اللي عنك بالدنـــــــــــــــياء يحير= واترك اللي بالاوازم ماظــــــــــهر
وش على الذئب لو جاه المغـــــــــــــير= الذئب ذيب والنسر ياخـــــوكم نسر
قايد البل تلقاه على راس المســـــــــير = وقايد الغابه على الذئـــــــــب النمر
والياحضر الاسد راح فيــــــــها البعير = والذئب والنمربالغابه يحشرهم حشر
والقماري والحباري لها ياخــــــوك طير= والارانب يلفاله ياخــــــــوك الصقر
دام انت موجود انا ياخوكم بخـــــــــير = بس اسمكم ياخوك نفخـــربه فخر