مـرحبـا ترحيبة مضمونهـا عنبر وكادي = مرحبا بالشمري في منتدى سموى شبابه
اعرفك يابرق حائل رجل لكنك عنادي = وكـان مـنـت بـذئـب يـارجـال تـاكـلـك الـذيـابه

برق حائل ::

مرحبابك ياهلابك ياهلا بالطيب والشادي = يافرحت اهل المنتدى يوم البرق جابه
البرق برق وانا للمعادي معــادي = وش يهم الاسد ياخوك لو الذئب طالت انيابه

: البلهودي :

يـامكـرمـت الـضـيـوف ويـامـتـعـبـة الـشـدادي = الكـرم فـازوا بـه الاولاد من ورث الشيابه
شمري معروف فعله في الصباح في الهجادي = ميل اعقاله على فعل الجمائل والـذرابه

:: برق حائل::

ماعليكم زود كانها بالطيــــب وادي = كل ديره وكل دار لها ياخـــــــوكم نيابه
انا اشهد انك طيب وأكد بالوكـــادي = ومثلكم ياعشيري لازم ناخذ احسابه

:: البلهودي::

صاحبك نسمع كلامه في الاذاعة والروادي = وان فتحنا محضر التحقيق مني ياعذابه
راعي الخلفات ماجاب الشمائل والتوادي = ولاذبحني غيرشوف اللي جماله في نقابه

:: برق حائل::

انا ابحذر وحاذر على حسب اجتهادي = مانريد ارض وطاها ولانريد ارض مشابه
يوم نزرع الزرع اول ماحسبنا للجرادي = يمناي يابو سعد حطيــــــــت الدواء به

البلهودي::

انت عائش في الحضر والا تسير في البوادي = ناس تعرفهم وانا اعرفهم سباع وسط غابه
حــارثــي عـزتـي بــالـلـه ونــاري مـن زنـادي = ومحتزم وقت اللقاء باصحابنا سمـوى عتابه

:: برق حائل::

جونا اليوم وشو حــــر ولا بـــــــــــــرادي = المدرع عندي مجهز بس ابي عزف الربابه
جهزت الذلول عندي ونا بعمري مفادي = وعزوتي بشمر يجوني بعزم وصـــــــــــلابه

:: البلهودي::

الحضر تفطرعلى الفول المدمس والزبادي = وراعي الابل مزهبه تمر ويحلب من ركابه
انـت تحسبـهـا معـي بالجمع والا بالفرادي = والمـثل يـقـول عز السيف دائم من نصابه

:: برق حائل::

كل واحد له مبادي والطيب له مبادي = كل شخص وده يشرب من صافي شرابه
وكل واحد يقوم لاسمع بذنه منــــادي = وفزت الحـــر مثلك بين (ن ) من التهابه

:: البلهودي ::

انت لاعب محترف مطلوب في كل النوادي = مر تلبس قبعة ومرار تلبس لك عصابه
فيه ناس تدعي بالنور وهي في السوادي = يعلم الله مايساوي وزنهم عندي ذبابه

:: برق حائل::

ودي العب في الشباب ودي اكون اتحادي = والهلال كل ماجاء كاس يالنشمي سرابه
ولايهمك الجمل ماخوفه مشي القــــرادي = وكل واحد مرجعه لااصله ولديـــــار ربابه

:: البلهودي::

ويش رايك نعرض الدعوى على رجل اقتصادي = مايغشك في النصيحة والحكيم اسمع جوابه
وانتـبـه الـلـقـوم نـار الـقـوم مـاتصـبـح رمـادي = والبعـيـر شعـيـل شـفـته قام يرثع في زهابه

:: برق حائل::

صات صوت المصوت والمصوت مايصادي = والجمل شعيل مقفي وراكبه محدن درابه
وانت القاضي دام به شهادات اعتمادي = والجمع والتنقيص مايـــــهم ذاتك لنتوابه

:: البلهودي::

ودي بمهرة اصيلة يازميلي من بلادي = من جبال اجاء وسلمى ديرة ارجال الذرابه
ودنـا نثبت علاقات وصـداقات جـدادي = والسفيـر المعتمـد نقـول لـه حضرة جنابه

:: برق حائل::

المهره اللي تقوله هي بوادي وانت بوادي = والوادي طلعه شيح علقم ونصه شهابه
ليت بيني وبينك قرابه ياعريب الجدادي = وانت مثلك فخر ونفتـخر في اركابه

وللجميع تحياتي وان شاء الله تحوز على رضاكم

اخوكم

برق حائل