تجزع النفس واشعب فاطري للرحيل = ثمّ يثني اعزومي همس ولفٍ غريب
شفي اطوي دروبي والغبينه دليل = وادري إني ضعيفٍ في يدين النصيب
حايرٍ بين راسٍ يطلب المستحيل = وبين قلبٍ من صدوف الليالي عطيب
راس حرٍ مرامه راس صوحٍ طويل = وقلب ذيبٍ على سد الليالي قليب
ضحكي لكل واشي حد سيفٍ سليل = تقتله ضحكةٍ تخفي صواب وصويب
غيب قلبي مفتِّش غيب قلبي هبيل = عزّة النفس دونه صمت عزٍ رهيب
اكتم الغيض وإغْضي كل ماشفت مَيل = وبين حلمي وغيض النفس شعرة سبيب
شامخ الراس باقي لو عذولي يكيل = فَىّ دوحٍ ظليل وكيل تمرٍ رطيب
الله اللي جبل نفسي لفعل الجميل = ودون ريب العواذل من جبلها رقيب
عالمٍ سر نجوى غيب خل وخليل = ثالث اثنين سامع بالصفاه الدبيب
له سجدت وحنيت عظام جسمٍ نحيل = بعد مافقت من حلمي وبار الصحيب
عشموني بشمسٍ فوق شمس الأصيل = وشرّقوا يوم هفّت شمسهم للمغيب