انا شفت هالقصيده لطلال الرشيد الله برحمه

القصيده في حايل



عروس الوجود



يا مسا الخير..والطير..ومساء الورود
يامسا النود..والجود..وشذى عودها
يامسا العيد..والغيد..وعنود النفود
يامسا الحب..ياحايـــــــل ومحسودها
صدر الشوق ضامي..والمشاعر ورود
جيت كلي من أقصى الروح لحدودها
كم طلبت القصايد ..عن غلاها تجود
من دعوني..وأنا انخاها عاى جودها
ثالثة والديني..حـــــــايل أم الجدود
أمي اللي غلاها..عــــــز مولودها
دارنـا..حي فالك يالغنوج الودود
السما لك مرات..وطلتـــــــك نودها
خذ عيوني وشف حــايل..عروس الوجود
تعرف الفرق..بين الشوك وورودهـــــا
واهنيك بمقرن وجه فــــــال السعود
وكل ميرث أبو تركي ..من سعودها
ما يشك بوفاي لأولياء الأمـــر كود
فاسد القلب والنيه..ومقرودهــــــا
ماذخرنا الحتوف..ولا نقضنا العهود
من خلقنا..نصون الناس وعهودها
زان وجه الكلام..وشان وجه الحسود
بان فرق النوايا البيض ..من سودها
هيجني ياربابه والقصايد شهود
عيدي اليوم شوفتكم وبشهودها
لاح برق السلام ..وهل مزن الردود
جت تقودن مشاعركم ..وأنا اقودها
ياهلي والله إني لوأعيد وأزود
ماأوفي حقوق الود من كودها

طلال الرشيد

اتمنى تعجبكم

عايد

تسلم يمينك

رحمة الله عليك ياطلال

مشكور والله يعطيك العافيه

تسلم اخوي عايد على هالنقل

الله يرحم طلال الرشيد
بالفعل كلمات رائعه حييييل
يسلموووو اخي على النقل الرائع والمميز
وتسلم الايادي
دمت بخير