لا ترخي الملثم وتكسب ذنوب الناس=خله على الخدين بالـترف مــشــــدود
يكفي هـبـلة الناس بعــيـون نـعـــاس = سبحان من صـورك ياليـن الــعــــــود
من شاف رسمك يادلع صابه عماس = ومن سبتك يطلع من السوق ملهــود
وصفـك يخلي راكد العقــل محـتـــاس =والخشف واجــد زينهـن ونت في زود
فــيــك الحـــلا وزع بــلا حد وقـيـاس = مفروض اذا تمشي تخطى على ورود
حيـثـن جسمك ناعـمٍ حـيـل حســــاس =ورجلك قدمها تجرحه لمست العــــود
وخدك شعاعه عاكسٍ ضــوالاكـباس = ويـاحــلو الاشـقــر ون تـنــثر ومكدود
والعـنـق حـيــل مـزيـنٍ لمعــة الماس = والـردف نــابـي والــصـدر زم بــنهـود
مسكين من يخطبك ويرجع بالافلاس =عز الله ان الحــظ خـــانـــه ومــقـــرود