جف الطريق إلى أمحلت كل الأقفار= وأسقت ثرى خدي من الهم عينـي
وأمسيت في طي المسافات محتـار=مدري من اللي في طريقي عوينـي
يافرحة ايامي وش اللي لنا صـار=وش صار مني وش حصل خبريني
يكفي علي اللي شربته من امـرار=كافي علي اللي مضى في سنينـي
وش جاك مني ياشذى عطر الأزهار=وشلون ياعيـن المهـى تتركينـي
وااقلبي اللي تشتعـل داخلـه نـار=من غيبتك ماعـاد شـي يعنينـي
ماعاد في قلب المحبيـن لـي دار=وماعـادت الدنيـا تبـر بحنينـي
خلاص في عيني طفت كل الأنـوار=ضاع الرجى يافرحتي مـن يدينـي
خلاص ياعمري بدى وقت الأسفار=مثـل البدايـه رحلتـي تنتهينـي
ماعاد عندي للنهايه مـن اعـذار=صارت كـذى ياغايتـي صدقينـي
حافض عهودك والعهد ماله إنكـار=عندي ولا له بالردى مـن يدينـي
باقي لك بقلبي من اعطورك أثـار=لاضاق صدري بالوفـى تحتوينـي
لاكن طلبتك خلي الشـوق تذكـار=لاضاقـت ايـام الدهـر تذكرينـي
وسلامتكم
جف الطريق إلى أمحلت كل الأقفار 
العرض العادي
