يالله يا اللي من نصاك ما خاب = يا محيي الارض والعظام الهمائد
ياغافر الزلات لكل من تاب = يا معطي السائل من جزال المدائد
ترحم حزين لا زال منصاب = لحق الدرك حاله وبالحيل بائد
مندوبي تجهز واصل لي جواب = فوق ما يطوي البعد طي الجرائد
فاكس آر ليا فز ليا كنه عقاب = سواء الطقس عنده حر ولا برائد
فل كامل لمتد من يشوفه ذاب = يطوي المسافات والديار البعائد
عليه شجاع من الاخطار ما يهاب = يضرب غبات الخطر ما يحائد
نصه طريب ولا عن طريب مجناب = نصه ابو سالم وسيع البنائد
قرم شجاع للطيب كساب = علم صريح وقول صدق وكائد
تلقى تراحيب من خارج الباب = وتلقى نا تشب جمر وقائد
في مجلس عامر ويروده اجناب = وتلقى دلال البن والهيل زائد
وتلقى العود الازرق با نواع الاطياب= وتلقى فعول الكرم وهذي عوائد
قول الوفاء والصدق ماني بكذاب = ويشهد على ما اقول من كان رائد
عسى يبطي لنا ذراء سور وحجاب = ولا يضده بالحيل جور الضدائد
يفديه منهو للعراقيب شذاب = ولا شيف زوله عند وقت الشدائد
سلمه مليون التحيات وخطاب = وقله هذا تراء من أخوك ابو رائد
سلم عليه إعداد ما هل سكاب = وأعداد ما شيف من برق ورعائد
وقله انا متاثر وبالحيل منصاب= فقدنا الاناسه والهم زائد
فقدنا تعاليق وامزوح وإعجاب = وفقدنا دلال هيل وبن ركائد
والفرش مكتسيه غبار وتراب = واشوف ما باقي منه إلا شرائد
حلوا الكرا صار للعين حراب = العين تسهر والعالم رقائد
والمعذرة صار بالقاف عذراب = لاني بشاعر ولا اجيد نظم القصائد
وختامها صلاة ربي ما هب هباب = على نبي بالامه للخير قائد

عاااااااااااشق الطيب