السلام عليكم ورحمة الله وبؤكاته
اعود لكم اليوم بعد غياب بكل الشوق بهذه المتواضعه
وهي من قديمي اتمنى ان تنال الرضى ..
بظـل بستـان ذوبنـي عنـب ماطلتلـه عنـقـود=رميت ايدينـي ماطلتـه. وطلتـه بـس . بأعيانـي
حلاه اللي وسـط عينـي وطـن ماينتهـي بحـدود=يغربنـي جسـد والـروح . تحيـآ فيـه اوطانـي
كذا ببدى أنا القصـه . وأصدقهـا بثـلاث اشهـود=نهايتهـا أنـا المجنـي عليـه وظلـمـه الجـانـي
شهد اعجابي ثم حبي .. وثم حزني اللي بي . مولود=وبقت في نظرتي حيره . لها الدمعه على اوجانـي
تلاقينا يانبض القلـب . فـي صدفـه بليـا أوعـود=بأمر الله القدر يمـك . ياعمـري غصـب ودانـي
شعور بداخلي ينمى . وأحسه لـك بـدى مشـدود=بلحظه شدني حُسنـك . ولا أدري ليـه خلانـي ؟!
قدرت انـك تفارقنـي . وتجذبنـي بعيـون ٍ سـود=خذن بالي .. خذن قلبي .. خذنـي لحُـر نيرانـي
وبعـد غيبـه تلاقينـا . وتهادينـا نظـرنـا اورود=وملامحنـا حكـي مبهـم لأصحابـك وعـدوانـي
فوسط الناس واحساسـي بـأن ماغيرنـا موجـود=طلعنـا والقمـر ضـاوي مشاعرنـا شكـل ثانـي
دخلت بحكيك أعماقـي . ودرب ٍ داخلـي مسـدود=وحرك حكيـك الأعـذب . احاسيسـي وأشجانـي
نزلت بجوي وضعفـه . تهـزه بعاصفـه ورعـود=عرفت الضعف بي حتى . قـدرت اتهـز وجدانـي
تلاقينـا معانـا الحـب . وفالحـب منيتـي بنعـود=تلاقينـا وبعيونـك . قـريـت انــك بتجفـانـي
ورحلت وبعدك ادروبي لي اشواك ٍ مهي بأسهـود=بعد ماشفت بـك فرحـي . رحيلـك حيـل بكانـي
وجلست بوحدتي أسئل . حبيبـي ياتـرى بتعـود ؟=أو الوقـت ايتعذرنـا . وولا القـاك وتلقـانـي ؟
وتعبت أنسى ويذكرنـي . مكـان بحبنـا مشهـود=وأحس الدنيا ذي .. غرفه .. كئيبه تجمـع احزانـي
آلا يابسمتـي وأنتـي حـيـاة ٍعمـرهـا مـعـدود=انينـي حـان ميـلاده . وحزنـي صـار عنوانـي
لك الله عشت بأعماقي ( ملك ) كلي غدوله اجنـود=زمن خلف الزمن باقي غلاك أغلـى مـن أزمانـي
اببكيك الزمن وآمل . بيـوم ٍ لـي معـك موعـود=لعـل الصدفـه تجمعنـي . معـك ياسيـد خلانـي
بندرالضبعان
ظـــل بـســتـــان .. 
العرض العادي
