اخواني حبيت اوضح لكم السالفه بالتفصيل ماحصل معي ومع شركة تايوتا بحائل لانه اخذت قبل عام ونصف سيارة منهية بالتمليك من نوع جيب فورتشنر موديل 2006
والذي حصل معي هو اني احتجت ان اركب للسيارة مرآه جانبيه لباب السائق لانها مكسورة فاتجهت ابحث عنها في محلات الزينه وقطع الغيار ووو وبالاخير
اتجهت لشركة تايوتا بحثاً عنها وقالو لي بالحرف الواحد لايوجد لدينا الان !!! بامكانك تامين قيمتها بـ 662 ريال لدى الصندوق ونطلبها لك من جدة والتسليم بعد ثلاثة ايام
فوافقت بلا تردد وقمت بدفع القيمة لكن الثلاثة ايام اصبحت اسبوع المهم عندما اتيت لهم لاستلم طلبي تفاجئت بان موظف قطاع الغيار يقول لي لم نجد طلبك قام
زبون اخر بشراء القطعه قبلك ولم نجد لك طلبك في فروعنا بالمملكه !!!! قلت اعطوني حل ؟
قال لايوجد حل سواء ان نرسل طلبك لليابان !!! قلت معقوله هذا منطق وكيل مسؤول عن تامين القطع !!! واعتقد اني سيارتي 2006 وليست بالقديمة حتى يصعب
عليكم توفير قطعها فقال لي اذهب للمدير انه بالدور الاول .. وليتني لم اذهب !!!
اتجهت بعد هذاا وصعدت الدرج لمكتب المدير وشرحت له الموضوع انني اتردد اكثر من اسبوع لاجل مرآة السيارة مكسورة ولااستطيع ان اقود سيارتي بدونها
علاوة على ان فحص المرور لين يجيز فحص السيارة بدون المرآة
فقام واتصل بشخص اعتقد انه مسؤول او منسق العلاقات العامة وحضر معنا بالمكتب وطلب مني الذهاب معه لمكتبه لكي نحل المشكله ولبيت طلبه وبعد ان
جلست بمكتبه قال شوف يااخي طلبك لايوجد بجميع فروع الشركه بالمملكه ؟ قلت والحل ؟ فقال هناك مرآة سيارة هايلكس موديل حديث نفس مرآة سيارتك قلت
ماهي مشكله ركبوها اذا تركب ابي ارتاح لاني تعبت معكم فقام واحضر شخص (سوداني ) للمكتب ومعه المرآة (لونها ابيض ) ولون سيارتي ذهبي فقال لي اذهب
مع هذا الشخص وهو المسؤول عن الورشة وقمت ونزلت معه فقال اين سيارتك اريد ان ارى لونها لكي اقوم برش المرآة بنفس لون سيارتك فخرجنا للشارع
وشاف السيارة وبعد دقيقتين قال لي شوف يااخي انا مستعد ارش المراة بنفس لون سيارتك لكن اللون لايتطابق مئه بالمائة هناك اختلاف بسيط فقلت ماعندي
مشكله المهم ريحونا وفكونا فقال خلاص انا سوف ارشها لك الان وتاتي بكرا بعد العصر تستلمها مني لكن الان اذهب للصندوق وادفع قيمة البويه وقدرها = 200 مئتان ريال !!!
قلت ليش ؟؟؟ انا دفعت حتى الان 662 ريال قيمة مرآة جديدة بشرط ان تكون لنفس السيارة وبنفس اللون وبالاخير تطلبون مني ادفع فوقها 200ريال ويصبح بذلك
862 ريال والنتيجة اخرج بمرآة لسيارة هايلكس ومرشوشه بلون يشبه لون سيارتي ؟؟؟؟ هل هذاا يعقل !!! فارتفع ضغطي وقمت اتكلم بصوت مرتفع حتى حضر
لنا منسق العلاقات بالشركه وقال ياخي انت دفعت قيمة المراءة والمئتان هي قيمة البويه لان حساب الورشة يختلف عن حساب قطع الغيار ولازم تدفع فقلت وانا
معصب اعطوني فلوسي التي دفعتها وبعد ان استلمتها خرجت ووضعت السيارة على مدخل الشركة الرئيسي وكتبت عليها السيارة للتنازل لعدم توفر قطع الغيار
لدى الوكيل بالمملكة ووضعت رقمي عليها انظر للصور
هل تصدقون ان المدير عن الشركة قال للي بالحرف الواحد يااخي طلبك ليس امر ضروري لايتسبب في وقوف السيارة كل السالفة مرآه بسيطه !!!!
وتركت السياره امام الشركه والان معي سيارة بالتاجير قهروني هم وتعاملهم ودعايتهم الكاذبه لكن مااقول الا حسبي الله ونعم الوكيل
تايوتا وسؤ المعاملة والوعود الكاذبة !!! 
العرض العادي
