بسم الله الرحمن الرحيم

في السابق كنا نشوف ظواهر تنتشر في المجتمع ونستنكرها او ما تدخل عقولنا
لتعارضها سواء للدين الأسلامي او لعادات اجدادنا وتقاليدهم ..


كانت البنت لين البست عباه مطرزه مزخرفه ملونه قلنا عنها صايعه ومش متربيه .. او ما وراها اهل ورجاجيل ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديث عنها لاينتهي .. وما تدري متى بتوقف هالموضات لي دمرت الناس
ودافع لبس هالعبي هو الستر يعني انا اسال نفسي
الستر مايجي إلا من العبي ذولا


لكن الظاهره اللي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا مع العلم انها اصبحت ليس موضه بل اصبحت عادهـ القصير تحت العباه .. وياليت تكون العبائة مسكره ..

الا مفتوحه وتظهر السيقان والكل يتفرج ..والله انني وللاسف شفتها امام ناظري شفاها الله وهداها

يعني ودي اعرف وش هدف الفتاه لما تلبس برمودا والسيقان طالعه وتمشى في الشارع وبكل ثقه

والي يبط الكبد لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست انهاصاحبت هالتصرف وهي اللي حطت روحها في هالموقف ..

والمشكله بعد ليا تعرض لها احد الشباب قامت تسبه انت قليل ادب وما تستحي ومش متربي وووو .... الخ ..

طيب اذا اهو قليل ادب انتي شتطلعين
انتي ماحترمتي نفسك ولا حشمتي الموجودين بالمكان

ليش تتوقعين من الشباب يحترمونك او يعملولك حساب

والشيء الثاني اللي استغرب منه .. ان شلون هالبنات يطلعون من بيوتهم بهالشكل

الاهل وينهم مايشوفون بناتهم مايشوفون شلابسين حرام والله حرام اصبح بعض الرجال مثل الدعم بس منزلين رؤوسهم
البنات شلون يرضون على نفسهم نسوا مخافة الله والعادات والتقاليد
نسوا انه عيب وين الوازع الديني وين الخوف من الله

كل هالاشياء صارت عاديه بالنسبه لهم


وياريت اتجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك
2_ شرايكم بهالنوع من الفتيات
3_ برأيكم شالهدف الذي يجعل الفتيات يطلعون بهالشكل

واخيرا .. هل في كلمه تحب توجهها لهالفتيات نصيحه او حتى نقد


ابوياسر 2000