مسا البارِح على ذِكراك يا المجحــود=خذاني لوين ما ادري بس يا الشاقي
تمايـل بي علـى ردون الورق عنقــود =وقمت أهش حبري واخنق اوراقــي
أدوِّرْنـي على وجهِـك وأنـا مــفقــــود =والاقيِــــني هِنـــا باقي بَــلا باقـــــي
تِذكرنـــي بسيف اللــــــه و الأخُــــدود =لــيــا مِــن ضاق صدر الحق بآفاقي
وبِياضك من ورى عِبْس الليال السُّود=يِصِـب النــور فــي عتـمـة احداقـــي
وتراتـيــلك على صهلة هبوب النـــود = تِدِك الخوف لا نـفــنـف على اعماقي
وسماحة وجهِك الطاهِر لـنــا يا عـود =يبشِّـــــرني بطِيــب الوقــت لو ضاقي
أشوفك طود , لكِن من يشوفك طود.. = يموت بقــيد ..أنت انســـان ارهاقـي!
أسد.. لـيه الزّئير وما معك أســود ؟! = تْضيْـــغم بأيش وانت بـكف أنفاقي ؟!
تِــمْخـلا بك زئيرِك والزمــان قيـــــود = وتِــــغشْــواك الســواد ولاح برَّاقــي
يِســـرّيـنـي نحــيبِِـك لاصرخ مضـهود = من أصــحابي وسيّــد زمرة اعراقي
وثِــرْت بــلا إلـه إلا هــو الــمعبــــود = وثـــار مـن الغـــضـب ثلثين خفّــاقـي
عـلـى دِهْـــم المهــار ونفحة البـارود= اســوق المـوت فيني ما انثنى ساقي
تِعِبْـــــت أغمــض عيوني ثلاث عقود = وانا ماعادت اخلاقـــي هي أخلاقي !
يعود العِـز .. ولا يا عسى مـا يـعـــود = مادامــه يامِـيَــةْ مِلْــــيـون ما فاقـي
نبيــع مــن الكرامـه الـف..والمـردود = وِجَع خمسين,واعراقي وش أعراقي
تغميضة ثلاث اعقود .. لــ محمد بن ساقان 
العرض العادي
