صفــحات الشقاء
يلي على وجهي قريتي كل صفحات الشقى=اقري وأنا باكتب قصيدة واشعل الساحة حريق
باقي كثر ما راح واللي راح نصف اللي بقى=وان ماوصلت لغايتي باموت في نصف الطريق
يابنت يوم امطر غلاك بقلب ضيدان وسقى=تدرين وش سبة شقاه وسبة الجرح العميق ؟
شقاه من يمناه واسم الشيخ والنفس امحقى=والجرح منك ياأعذب العذبات يالموت الرقيق
يا بنت ما دام البدو تخلف هقاوي من هقى=وانا بدوي مني يشيل من الزمن ما لا يطيق
ابفتخر حنا بدو نعشق على وضح النقا=حنا بدو فينا الولد للقمة العليا عشيق
حنا بدو فينا الولد لو شاف موته ماأتقى=حنا بدو فينا الولد يرقا ولو ماله رفيق
حنا بدو فينا الولد لا من رقا رقا رقا=الين يوصل غايته لو كان في قمة طويق
يابنت جيتك والثمن عمري ابي ليلةٍ لقا=يما كذا والا بلاش من الصداقة والصديق
وساعة تبسمتي وشفت الجمر والثلج اصدقا=قلت أشهد أن الموت حق وصحت لك صيحة غريق
واعتقت دمعي والزعل والحزن لرضاك أعتقا=وأغفت عيوني في عيونك ياعساها ما تفيق
وامنت باللي سخرك تقرين صفحات الشقا=واشعلت بردي في دفاك وشبت الساحة حريق
قصيدة صفــحات الشقاء .. للشاعر الكبير ضيدان بن قضعان 
العرض العادي
