هذه قصيدة انقلها لكم من شاعرها وبطلب منه شخصيا
وهذا نص رسالته لي اتمنى ان تحوز على رضاكم
وايضا ان تتجلى صورة سرقتها الفكرية لمن سمع بها
من غير شاعرها الحقيقي
( فالح بن عبدالله الناهي )
مساء الخيــــــــــــــــر .. للجميع
أنثــــــــــر بين أيديكم
هذه القصيــــــــــــدة .. وهي
من احب قصائدي إلى نفسي وإلى نفوس الكثير
(( مع أنها تعرضت لسرقة فكرية))
وقام أحـــد المتطفلين بنسبها إلى نفسه وإلى قبيلته ( المحترمه طبعا)
ً
فأحببت ان أضعها بين أيديكم
في زيها الحقيقي وثوبها الاصيل
...............
إليكم القصيــــــــــــــــــــــده
....
..
في غربتي عيني على مطلع الشمس=لـي لابـةٍ مثلـه علـوّه وضّـيـه
لا غبت عنهم ينحمس خاطري حمس=وأرضى إذا جيت النفوس الرضيّـه
بعض الخلايق ذكرهم يجلب العمس=وبعض الخلايـق ذكرهـم شاذليّـه
وأنا هلي بنٍ مـع أرناقـه الخمـس=من لامني لاصـرت كلـي حميّـه
لي لابةٍ تاريخها يرفـض الطمـس=بكتب العجم لـو خانـت الأبجديّـه
تِسمع بعال الصوت لو تنطق همـس=صفحة فخر يصعب على الناس طيّه
أمجادها باليوم .. وأمجادها بأمـس=لها عـروقٍ عبـر الأزمـان حيّـه
ولي ديرةٍ يطرب لها الحكي والرمس=حايـل وحايـل تحـفـةٍ حاتمـيّـه
حايل لو إنه ينلمـس حبهـا لمـس=أبصـم وتظهـر بصمتـي حايليّـه
أنا من اللي عزهم يشبـه الشمـس=أحرار طي .. وعزوتـي شمريـه
والله ... مالي عقب ماطبّق الخمـس=إلا الوفـاء للشـمـري والحمـيـه
وسلامتكـــــــــــــم
مع التحية والتقدير للشاعر فالح الناهي
قصيدة وتوضيح ( عن سرقة فكرية ) 
العرض العادي
