يا طير يلي من على الغصن وليت=روّح لخلي وقول بالحيل مشتاق
الحب فيني مشعلته العفاريت=وبسبت الفرقا ترى خاطري ضاق
وللحب سهم مير أنا ما توقيت=وإن كنت متوقي بياصل للأعماق
ما كان رمز الحب روميو وجوليت=ومعاكس بالليل في ضيق رواق
وإلا رقم وحده وبالعصر دقيت=وكان المواعد في حدا ذيك الأسواق
وإلا كلام بالغزل شلت وحطيت=من شاف حالك قال ذايب بالأشواق
وش ينفعك دينك ليا قمت صليت=والقلب ما هاب الولي خير خلاق
مالحب يا خلي بدمع وتنهيت=الحب يا خلي أمانه وأخلاق
هذي نصايح عاشق رحت أو جيت=أبقى أساس العشق وللعشق تواق
عشقي أنا حر وعالصيد هديت=يلحق غريمه من ثناديه علاق
عشقي أنا مقناص والجيب ووينيت=انقل به العازات والغيم دفاق
تنبت عشوب الخبت من عقب هو ميت=وأحيا خفوق بالهوى حاق ما حاق
أصل الحب 
العرض العادي
