ليش كل يوم تسأل
والاجابة نفسها ماتغير

وش تبي تعرف
سألت؟ وقلت لك
الحال يقرف

متغرب مغترب غريب

نفس الاجابة

دام ما لي حبيب

نفس ألاقي روح تؤمن بالكلام
ماهو مجامل للخواطر والسلام

ليش الكلام اللي نبيه
يضيع مابين الشفاه
واللي تعودنا عليه
يكون غيري مبتغاه

حارت حروفي والكلام
تعبت من نفس الظروف
اللي تجيني كل يوم
تمر شباكي وتطل
وتلقى معي نفس الهموم

تعبت أكتب....طاحت عصاتي من يدي
تعبت أكتب....وأساهر نجوم الجدي

آه ياهمي الكبير
بس الله أكبر ياخسيس


همي خسيس
وده يتعبني ويروح
ويزود جروحي جروح

وينك يايمه تمسحي الدمعه
وينك يايمه وينها البسمه
تعبت من بعدك كثير
وكل يوم لي جرحٍ جديد
متى أشوفك
وأحضن كفوفك
وتقرأين لي نفس السور
من جزء عم تبتدين
الإخلاص والناس والفلق
وتتعوذين من شر الحسود
وأنا من الفرحة بطير
في وقتها كني أمير
إلا أمير

ياهم ترا ربي كبير
ومن بعده أمي
وأخواني وأهلي وعزوتي
برجع لهم صبرك علي
وترجع ليالي فرحتي
بإذنه العفو الكريم



اللهم أحسن خاتمة قولي وعملي