كلمات كتبتها من أجل إنسانه عاشت في كل جزء مني عاشت في داخلي ولكن أقدار الله كتبت أن توضع في قبرها تحت ناظري في ذهول تغلفه الحيرة والصمت والصبر على أقدار الله سبحانه
هذه الخاطرة كانت بطلب من خطيبتي رحمها الله قبل وفاتها بشهرين
الملهمه
داخل مقهى
كرسي.....طاولة....شاب عاجز
كرسي يشكي من الهجران
طاولة قاهرها المكان
شاب اقعده الزمان
وده يكتب
كان يكذب
بس من وين الحروف
اشتعل قلبه بخوف
عجزه الم
وظروفه ظروف
كيف يقدر يبدا الكلام
وده يكتب والسلام
وده يفرح
أكبر فرح
وينسى يوم أنه انجرح
وده يكتب
عن حبيبه غايبه
من هي هذي الغايبه
وردت انفاسه تقول
هذي إلهامي معاها
تستفز قلمي وكراسي
ترسم الضحكة لأعز ناسي
راح العجز بوجودها
زال الالم
وصدري انشرح
وصرت أنا ادعي وأقول
يارب أنا مفقودها
يارب أنا مفقودها
هي مصدر إلهام الحروف
هي ملهمه ماهي طيوف
أحبها
أغليها
أموت فيها
طيفها معي من وين أروح
بحبها
بعشقها
بروحها
تشفي الجروح
تقول لي أنت تغار
حسيت والله بإنتصار
عمار ياقلبي عمار
سويت نفسي ما سمعت
وطنشت ويعني ما انتبهت
وإذا رجعنا للصدق
أنا من أنفاسه أغار
وأظن من حقي أغار
الكرسي المهجور يفرح
والطاولة تسكت وتسرح
وتقول للكرسي في خجل
هالبنت والله ذوق ذوق
والكرسي يتفلسف بشوق
ويقول خلك ساكته
ولهالسبب أنا أغار
هم من جماد
ماهم مثل حالي أنا
أنا بشر
والله بشر
صحيح عاجز
بس ابقى بشر
قدمت أنا قلبي لها
يوم احضنتني بقلبها
يوم الهمتني بحسنها
وقعدت أنا ادعي وأقول
يا رب
يا رب
ملهمتي ترجع لي عمر
حتى ولو فيها صبر
طول العمر
ابنتظر
طول العمر
خارج الإطار
أنا بشر
أنا إنسان
بس
أحتاجك
المُلهِمه 
العرض العادي
