.
.
.
.
.
.
.
شاعرة حائل تتألق في أروع أمسياتها
حلقت شاعرة حائل بدرية العنزي في سماء الشعر وأبحرت بالحضور في بحر القوافي الجزل وألهبت أكف الحاضرات بالتصفيق والإعجاب بها. منها لأهل حايل وحضور الأمسيه سلام وتحيه هكذا ابتدأت الشاعرة بدرية العنزي أمسيتها التي شاطرتها إياها بمشاركة الشاعرة دموع يتيمه
وكانت عريفة الامسيه فوزية العمودي عرفت الحضور الذي ازدحمت فيهم ساحات الخيمة بالشاعرتين ثم استهلت الشاعرة دموع يتيمه بقصيده ترحيبه يقول مطلعها :
يامرحبا واهلين والفين ترحيب = للي حضر من شان دموع اليتيمه
تستاهلون المدح يامنبع الطيب = والله جيتكم لها مليون قيمه
ثم انتقل المايك الي الشاعره بدرية العنزي وبدأت قصائدها بابيات ترحيبيه منها الي من جميع الحضور :
هلا هلا واهلين من قلب ممنون = مني لهل حايل سلام وتحيه
يا مرحبا واقولها الف مليون = بحضوركم ياهل القلوب الوفيه
الابتسامة والإعجاب لم يكن يقارق وجوه الحاضرات بوجود نماذج قوية لشاعرات حايليات بهذا المستوى من القصيد والشعروتنوعة قصائد ما بين فخر واعتزاز ورثاء وحب وغزل وابهجت...وتميزبتميز ابياته وكلماته .. وقصيده ... قوية قويه كما ردتها السن الحاضرات للشاعره بدرية العنزي
في مدح صاحب السمو الملكي الأمير سلمان
سلمان يا راعي السجايا النظيفـه = يامغني المحتاج وقـت العظايـم
مواقفـك بالخيـر والله مريفـه = دايم على كسب النواميس قايـم
لك صرح حافل باالعدل والنصيفه = حرٍ شريفٍ في سما الطيب حايـم
غيث الضعيف اللي ظروفه صليفه = لا لوّعه حظه وشـاف الظلايـم
وعون اليتيم اللي حياته كسيفـه = حظه عنيد وذاق منـه الهزايـم
وقصيده رثاء للشاعره دموع اليتيمه في والدها المتوفى تناشده بالعوده :
يابوي وينك مانت في ذيك الزوايا = يابوي. تكفى تعال او قل وين انت
ابشتكي يا بوي من نجوس النوايا = ولو كنت عندي فهمتني لو ماأعلنت
يا بوي عود وعطني الحنان وهوايا = ابغى صدى صوتك ابغيه لا هنت
تكفى يا بوي اليوم ويش السوايا = شفت القهر يابوي من ناس لهم صنت
ومن القصائد التي طالبت الحاضرات بأعادتها .. قصيدة للشاعره بدرية العنزي ...
تقول فيها :
خلك بعيد ومهتني في لياليك = انسى الغرام وباقي الحب خله
من قال لك قدر وقلبي معلّيك = هذا مكانك تحت رجلي محله
وش لك بقلبن عاف حبك وطاريك = لا عاد تذكرني توكل على الله
وقصيدة للشاعره دموع اليتيمه ....عن وفاة طفل.. فقده والديه
جاني خبر افجع القلب وأبكاه = واجرى مدامع عيون حزينه
تبكي على فيصل وترثى وتنعاه = وبامواج دمعن تبحر سفينه
على طفل مايمحي الزمن ذكراه = وما تختفي صورته ومبهى جبينه
وقصيدة للشاعره .. بدرية العنزي .. في النصح والحكم .. يقول مطلعها :
لا تشكي من جور همك وتحتار = ما ينفع المهموم كثرة شكاويه
لا ضاق صدرك غير الدار بالديار = الله خلق ارضٍ وسيعه صحاريه
وايضا قصيدة مدح واعتزاز من الشاعره دموع اليتيمه في قبيلتها ..يقول مطلع القصيده :
قالت من انتي قلت روقيه .= ما فهمت ..قلت اسعديه وربعي العتبان
ربعي لهم بالحق كلمه قويه = واقوالهم يضرب لها الف حسبان
شاعرة حائل بدرية العنزي تتألق في أروع أمسياتها بقرية مشار 
العرض العادي
