سلام يـادار الوفـاء دار الاجـداد
دارٍ تثنى فـي المحانـي غلاهـا

قال المثل لو طول الرجل الابعـاد
يشتاقها وليا ضفا الريـش جاهـا

واليوم انا جيتك على روس الأشهاد
ومريت منزال الأهـل وقطراهـا

وقفت وسط الدار راعيت الاعيـاد
اللي يلـم الشمـل عالـي بناهـا

باقي على الأطلال حصنين وبـلاد
فيها عبق ذيـك السنيـن وحلاهـا

إسنين عشناها مع البـدو الاجـواد
قبل الحضاره نبتلش فـي غثاهـا

ناسٍ لهم في صافي العـد ميـراد
ومنزالهم بيـن الفيـاض وحياهـا

يعرف ولدهم ريحة البـن لاجـاد
واليوم يعجز ماعرف قيس ماهـا

كانـوا حفـاة وللمواجـيـب رواد
رغم الفقر للضيف تنـدى يداهـا

تطبخ ذبايحهم على جمر وعـواد
إتشم ريحة طبخهـا مـن نقاهـا

يوم الضيوف تجيك من دون ميعاد
اليوم ضيفان العشـاء وش بلاهـا

كان المضير الكيك والحنطه الـزاد
والوايت القربـه ويكفـي ملاهـا

كانت بساطه بس الأفـراح تـزداد
ماهمهم جمـع الفلـوس وعناهـا

يازيـن جمعتهـم لدلـه و بـراد
أكثـر فناجيلـه مكسـر عراهـا

ماهي حياةٍ كلهـا زيـف وحقـاد
غطت علاها العولمه وإخشراهـا

تكفون خلوكم على نهـج الاجـداد
يفنى الكريم وعادتـه مـا نساهـا

يستاهـــل الفارس واذا ماعندك مانع ...بزود أهدائك بهذه الصوره

صح لسانك كثر ( رمال نفود حايل ).......

والله ماعندي صوره اهديه ..... بس عز الله القصيده تكفي وتوفي .... يستاهل

اخووووووووكم / ذيب الحرره

وتبقى الروح روحي
اشكرك من القلب على القصيدة المعبرة والمؤثرة ,,, قصيدة رائعه بكل المقاييس وصح لسانك
وحياك الله وانا ذكرت التعليق للتوضيح فقط وكنت اعرف انه خطأ مطبعي ,,, ولا في خاطري اي شي بس الظاهرانتي حساسه وأرجو ان تقبلي مني هذه الابيات والتي ليس لها علاقه بالموضوع وارجو ان تعجبك
[