ترضين افتح لك من الحب موضوع
.. .. .. .. .. .. .. أبديه في فجرٍ تـدارك غروبـــه


ترضين في بحرٍ من الحب مزروع
.. .. .. .. .. .. .. شمسك سطت و اضحى نسيمه رطوبه


ترضين في مزنٍ من البرق موجوع
.. .. .. .. .. .. .. ينهال غيثه مثل دمعي صبوبـــه


ترضين في نهرٍ عن الشط مقطـوع
.. .. .. .. .. .. .. قد تاه في بحرك وضيّع دروبـــه


ترضين في ودٍ بريءٍ ومشــروع
.. .. .. .. .. .. .. يلقى من إعلان المحبة صعوبـــه


ترضين في لحنٍ من العود مسمـوع
.. .. .. .. .. .. .. كل ما يدق الآه زادت عذوبــــه


ترضين في ساذج من الطيب مخدوع
.. .. .. .. .. .. .. صارت صفات الطيب إحدى عيوبه


ترضين في تاجٍ عن العرش مخلوع
.. .. .. .. .. .. .. عقب الرها والعز ناسه صخو بــه


ترضين في حافي على حفه الجـوع
.. .. .. .. .. .. .. ما يملك إلا عزّته في جيوبــــه


ترضين فيني وادري ارضاك بالطوع
.. .. .. .. .. .. .. وان ما رضيتي الحب يا حب توبـه



منقووووووووووووووول


اخــــــــــوكم الخاااطف