غلا شمر
لعل الوسم يمطر علـى ديـرة الوافيـن=واشوف البروق تلوح والقاع ممطـوره
ديارٍِ غلاها له بوسـط الضلـوع سنيـن=ينادي وعشب فياضهـا فاحـت زهـوره
وانا جيت اجدد حب راكان بـن حثليـن=لأهل سربةٍ بالخيل والطيـب مشهـوره
سرى يطوي فجوج الخلا والعرب ممسين=يسوقه غلا شمر وتقديـر اخـو نـوره
عسى الله يلوم اللي يلومه ليـوم الديـن=ما دام القلوب بحب الابطـال مفطـوره
قرينا تواريـخ العـرب والعلـوم تبيـن=وكم بارقٍ ليل الدجى ما حجـب نـوره
على العز يسري والحقايق تسر العيـن=مثل لمعة سيـوفٍ بالامجـاد مشهـوره
من فعولها ذكر الطنايـا يهـز الصيـن=ونهار الشدايد لا اعتزوا زعزعوا سوره
سلامي عليهم في العسر واليسر والليـن=أقوله وانا روحي على الوصل مسـروره
ودمتم بكل ود
قصيدة الشاعر الكبير // عبدالله بن عبيان بـشــمــر 
العرض العادي
