من يم نجـد وشـرق مكـه وطيبـه= لين الديار اللـي جنـوب القريـات
جيت بخفوقي شـوق ماينحكـي بـه= اكبر من حروف الشعـر والكتابـات
شوق ِ مهو شـوق الحبيـب لحبيبـه= شوق الطنايـا للكـرم والجمـالات
ولو قالوا ان الـدار ماهـي قريبـه= بقول : يعنـي ماتهـون المسافـات
ماهـم بربعـي بالليالـي الصعيبـه= أجـل وربـي ماحسبـت المشقـات
(شمر) ليا صك الصليـب بصليبـه= إهجد ياجن وإنس لأهـل الطويـلات
يرضخ لهم هالطيب حشمـه وهيبـه= ويرفع لهم بالعـز بيـرق ورايـات
ومن مرهم طرقـي بيآخـذ ضريبـه= فنجال ٍ أشدى من خضاب الخوندات
والموقـده تشهـد بـراس الرقيبـه= ومن طيبهـم ماينزلـون الطمانـات
(والشمري) من طيب راسه وطيبـه= به ميزة ٍ عـدّت حـدود المـروات
لاثارت الفزعـات .. لاتنتخـي بـه= لأنه يثور من الطنـا دون فزعـات
الله خلقـهـم للمصيـبـه مصيـبـه= وللنـار نـار وللمعالـي ريــادات
وللمـوت مـوت ولللهيبـه لهيـبـه= وللطيب طيب وللمراجـل سيـادات
لكن بهـم حاجـه ولاهـي غريبـه= يمكن يخون إبها الشعر والعبـارات
إليا بطشوا خلو المضـارب عطيبـه= وإليا عطوا مامـدوا إلا الجزيـلات
ما ارفـع مكانتهـم بشعـر ٍ اجيبـه= هم يرفعون حروف شعري مقامـات
وآخر ما اقول بهالشعر وانتهي بـه= بحطها بقوسين وأربع علامـات !!!!
(الشمري ! عيبه ! وعيبه ! وعيبـه= إليا ارتكى للحمل شال الثقيلات ) ..!