ماني مجازيك في صدك وهجرانك
ودعتك الله وتلقـى واحـد ثانـي
أتعبت الاعيان والاقدام من شانـك
وانته ولاشئ سويته على شانـي
فزيتلك يوم قلت اسمك وعنوانـك
لوكان ماتنتمي لأسمي وعنوانـي
ماجيت ادورك والا اطـق بيبانـك
و الا ترجاك مثل افـلان وفلانـي
انت الذي جيتني واعلنت بلسانـك
انك على شوفتي جايع وعطشاني
صدقت هرجك ولو ما أثبت برهانك
واقبلت لك مندفع من كل وجدانـي
ماكنت افكر يجي في يوم نسيانـك
وأنساك وانته معاهدني ماتنسانـي
الا بعد ماقريـت الكـذب بعيانـك
حاولت اودعك وانسى كل ماكانـي
خلاص مانـي متعنـي علشانـك
ودعتك الله وتلقـى واحـد ثانـي
تقبلو تحياتي : (اسد سراء)