الهنوف اللي غلاها يسكن الحدب النحايل = مثل ما اسكن في رباها واتنفس هواها
لو يزول الحب كله حبها ماهو بزايل = قالها اللي لا عشق يوفي ولا يخفي غلاة
مايعبر عن غلا حايل لاقصيد ولا مثايل = قدرها بقلوبنا فوق القصيد ومستواه
ديرة من طيبها حاتم لها شد الرحايل = واصبحت صهوة كرم وامسى عليها وامتطاه

ياسعود ياوجه السعد والتباشير = مثلك لحايل والله اكبر هديه
من جيتنا ياسعود واحنا بالف خير = ترفع لك البيضا والف تحيه
من جيتنا ياسعود سقنا التباشير= هذا من الفرحه يبشر خويه
من جيت رفرف للهنا والفرح طير = وهضاب حايل جرت السامريه

انت ياللي جيت تبغاني وسيله للاساة = العن بليس الرجيم وحل يابن الناس عني
ادري انك شخص قاصر ذات ماعنك جراءه = تقتل الميت وغيرك ياكل اسباب التجني
انت مثل اللي حمل برادة لاجل رضاه داءه = والسلامه ماتجي دايم من اسباب التاني
والله اني كاشفك مهما تضاهر بالبراءه = وانت لازم ياعديم الذات تدري اني
واحد مايقبل استغلال مثلك والبذاءه = واكرةاللي يستهين بقيمتي او يمتهني

هب نسناس المودة للشمال = وارتما ريح الغلا ف احضان اجاء
وانهزع ورد المشاعر لك ومال = وطاير الافراح بالحانه شجاء
ياهنوف دوم تزهى بالجمال = وشمعةتضوي لنا ليل الدجا
جعل منتي يالحبيبه للزوال = وليت ربي مايخيبلك رجا

العيون اللي رمتني من وراء ذاك النقاب = الصحيح اني غديت بسبته (قش صلبي )
يعلم الله كن في ذيك المحاجر سم داب = قبل ما احسب النواضر تسبي لبن ادم سبى
يوم لدت لي بطرف تنحني لاجله رقاب = عقب ما انا امشي تصدق عاد قمت احبي حبي
ركزت نظرات عينه لين لين القلب ذاب = أي ذاب؟ الا احسه وقع بين ركبتي

انا من لي ثلاث سنين تعودني ليا قبل امس = كوابيس قلق وازعاج وحلوم لليل تبلانا
حلمت ان السحاب احمر لفانا من شروق الشمس = عكس مجرى السحاب وعانق الشاطي ولاقانا
وحلمت انه يموت اربع بنات من بنات خمس = وتاقف امهن شمطا على المعكاز تنخانا
وقفنا ضد من ناقف خذانا بالادب والهمس = ضحكوك راقي اسلوبه وبلطف ينثردمانا

انا كنت ناوي لوماسبق طيبي رداها وخليته = ولا ينجزاء راعي الردى بالطيب واحساني
انا كذاء طبعي ليقفاء وتركني ماترجيته = واذا طلع من ع8يوني ماعاد يرجع لها ثاني
فاذا حبك مثل غيرك متى مااحتجته اغليته = على الموضه عن الضيقه تسلابي وتنساني
فانا والله ماضني خوين لك تمنيته = انا صعب تراني صعب ولا انت تروض احصاني

انا بكتب قصيدة حب بسميها وتمم له = واذا تسئل تبي اسمه صريح وضاع بالطوشه
تمنيت وتمنيت وحسدت وةصرت اترجمله = معانات ومزح عاشق في غرفه حسد مفروشه
تمنيت اني قلم بيده تخطخط بي وانا ارسمله = ابي اليا ضاعت افكاره تعضعضني وانا انوشه
وحسدت اللي يونسها تحبه هي تبسم له = وحسدت فرشة كحل سايل ياحضه داعب رموشه

ان قلت وان ماقلت عنك الزمن قال = ولا زال فيه نفوس تبقى سليمه
ماغيره مال بقت مضرب امثال = بقت على طول الزمن مستقيمه
لاياعلي ماقلت دايم على البال = اسكت واجامل بالصبر والعزيمه
وشيب عيني شيبة كثر الاهوال = سلم الرجوله صار موضه قديمه

يالاوي القلب ارفع عروقه ترى يبساء = مايلوى يابس ولا تنجبر كسرت القاسي
الله يسعد لي صباحك واكا المساء = ياضحكة الناس لايابعد ناسي
اسبح واغامر بدنيا وانت لي مرساء = وان غبت عني انا وين ادفق نعاسي
تنساء ثم تفتكر تشتاق ثم تنساء = تلعب على احساسي لينه تغير احساسي

عشقت بنتٍ جالسة بين البنات=عزالله اني رحت فيها ياعلي
سبحان ربيٍ ميزه بحلوالصفات=لاشفتهاغصبٍ همومي تنجلي
سالتها عن اسمها بس بسكات =قالت انا حائل وقدامك هلي

الايالله ياربي الايالله يارحمان= الاياخالقٍ خلقك وتعلم كل نياته
نعم مسكين يابن ادم نعم مسكين يالانسان= اتحسب ان العمرباقي ولاياقف بخطواته
نعم مسكين نعم مسكين نعم مسكين نعم غلطان= تقول ان الزمن هذا عضيدي بكل لحظاته

من دار حايل لكوبنهاجن تحاذير= تحذيرللي مايثمن علومه
اللي نشرياناس ذاك الكاراكتير= وعنده حكومة مويدة ماتلومه
الناقصين الساقطين الطراطير= ذيك الدول شعوبها والحكومة

نخيت شعري ومن نخيته جاني= قال ابشر بعزك يابوراكاني
وقلت له رايك بحال الامة = من بعد عزه صارعزه فاني
وقال لي دوبك علي ياخالد = موضوعنا نبي نحطه ثاني

الاياليل دنيانا غريبة كلها ياليل = الاياليل انامدري علام الناس وش صابه
انابعطيك من اسراري ولكن اكتمه بالحيل= حياة الفرد بالدنيا تقل عايش وسط غابه
بها ظالم بها مظلوم بها ناس تجرالذيل = بها ناس تضاحك ناس ومن ضحكه ظهرنابه

ادعج غنج شفته انا يوم الاثنين= في وسط سوقٍ بعد وقت العشية
ماكلمن لاكن نظربهمسة العين = يالعنبوه اسهوم عينه قويه
قالونيوتن مخترع للقوانين= وتدرس قوانينه بالجامعية
لاكن قانونه يطقه بصبعبن= ماشفت انا بين القوانين زيه

تحسبني ناويٍ قطع الوصال = الوصال لايمكن اني اقطعه
اتصل ويصيرجار الاتصال = وغصب يدي اتصالي تمنعه
اترددبالوصل والانفصال = في دروب الحب هاذي ممتعه

عيال عم وفيهم الشعريحتار= يحتارفي ذكرالرجال الاصايل
بالطيب مثل الديم ياصارمدرار= مثل المطريومه على القاع سايل
عدوهم من قوة الضيم ينهار= والاسلمي تنخاه جاك متهايل