قضية شوق
اللهم اني اعوذ بك من قهر الرجال.....
أنا شوق من فخذ الدهام من عليان الدغيرات من اليحيل من عبده من شمر اخترت عيال عمي
الاسلم اهل اللحيسا بهذه النخوه الشمريه لرفع الظلم عني كسجينه واعاده ابنتي تذكار لي
البالغه من العمرشهرين..
وذلك لقناعتي بماضي وحاضر ومستقبل قبيله الاسلم العظيم ومواقفهم العظيمه والنادره من القبائل والمعروف ان الاسلم اهل الفزعه والحميه والشيخ\ضاري الطواله شيخ قبيله الاسلم يلقب بستر الشمريات ومن اعجابي بهم فانا احتفظ بصوره كبيره في منزلي للشيخ محمد ضاري الطواله يرحمه الله ادعوا له بالمغفره كل صباح ومساء
عيال عمي هذا ماقلت وانخاكمواسمحوا لي عن التقصير لان المسجون معذور....
ابعث سلامي العيد وسط الرساله
لقبيه الاسلم هل الفعل والصـــيت
قبيله الاسلم فـــعوله لحالـــــــــه
نخيتكم بالليل بالســـــــجن ونيت
عمي معشي الذيب يوم اشتكاله
ابن دهام خليف جدي تمنيــــت
يوم ان ابن مسطح قصد دلاله
في قولته عند السنافي تقهويت
ابن دهام اللي فليح قبـــــاله
عز الله انه عادته قال شبيت
معربه جدين ماني حثاله
وعز النشاما خوالي عفاريت
وياعيال عمي ما كسبنا فساله
من شان بنتي ياجماعه توازيت
ماامشي بدرب المهزله والضلاله
والسوق حتى لو مانصيته تمشيت
اقود وجه اللي عطاني خصاله
في بيت ابوي اللي هداني تربيت
ابوي مخلف وافتخر في ضلاله
تاج على راسي ليا اصبحت وامسيت
شلت السلاح ولا نويت الرزاله
قلت انتحر ياناس للموت شديت
مظلومه بالحيل واطلب عداله
ضاعت حقوقي بين ناس طواغيت
تذكار صبح العيد تعيد لحاله
وانا بعيدي بالكلبشا تحنيت
اسلم نخيته نخوتي في رجاله
اهل اللحيسا عزوه الحي والميت
الاسلمي باسه يحطم جباله
قصدتهم وانا ال عبده تعديت
ذكرت ابو ضاري يوم جاني خياله
ومن شان قدره ارفعه داخل البيت
وبرغش وضاري عزوتي وهم اشباله
عرين اخو صلفه للامجاد ناديت
وانخا الطواله كلهم بالكماله
اللي لهن بالفعل قولن وتثبيت
وانخا ابن وجعانليا جا مجاله
مشعل ابو ثامر ياقلت وفيت
وانخا الوهب وجموعهم للمقاله
وعموم الاسلم مانبيقول تشتيت
وانخا همزان وراسهم ينعناله
وهتاش ابن حضيري بالقول عديت
ولشاعر المليون تاصل حباله
تعبير ياعبود وللقول وفيت
والمعذره يالابتي بالاطاله
انا خلوج لام شهرين حنيت
وصوا على اللي اعتنا بالرساله
اذكر جنابه كل ما قمت صليت
السجينه\شوق مخلف دهام العلياني العبدي الشمري
الجمعه 8\10\1428
آمل ايصال النداء الي الشيخ ضاري المحمد الطواله والشيخ نايف الطوالهوالشيخ سطم الفارس بن الطواله والشيخ مشعل الوجعان والشيخ حماد الحسان وعمم قبيله الاسلم بدون تحديد الدل على الخير كفاعله
وجميع ابناء الطواله الكرام
قضيه شوق 
العرض العادي
