التوقيف وما أدراكــ ما التوقيف ..


قبل كم يوم دخلت الحجز بالظلم و شاهدة اشياء كثيره و نزلته هنا عشان نتناقش فيها
::اول شي::
الاقامة : بصراحة المكان من جد قذر يمينك وشمالك القذارة تحيطك بكل من اجزاء جسمك ما فية نظافه ولا اهتمام و الصراحه قمة الابداع بكل معنى الكلمة ..؟
يعني بالمختصر المفيد الي قلته قبل شوي بدون تعليق
مافي اهتمام مافي راحة مافي نظافة مثل الي يصير بالشقق او على الاقل تنظيف بسيط على الاقل خلينا نعرف نتحرك او الهوا الي نتنفسة يكون نظيف مو وسخ من تجمع بقاي الاكل تقدر تقول برميل لتجميع الزبايل
كرمك الله كأنك داخل على مكان الي يحرقون فية الزبايل مو مكان يتجمع فية جنس بني آدم...
::ثاني شي ::
الزحمه : مكان صغير لا تتوفر فيه الأغطية و الوسائد و مكان يتسع لعشرين شخص يكون فيه 35 شخص و والعشرين مكان غير متكامله سرير من غير غطاء او وساده و السرير وسخ و متقطع وين النظافه و الاهتمام ..
::ثالث شي:: ناس اغراب : ناس قادمين من مدن مختلفه يمرون بحائل و ويذهبون الى الحجز بظلم او غير ظلم اشخاص يذهبون الى حجز بدل الذهاب الى البيت بظلم حتى ياخذ العسكري او الجندي انتاجيه جهده و ياخذها الى مديره حتى ياخذ اجازه يوم او تعديه من استلم يعني ارتاح و اظلم غيري ؟؟..
::رابع شي ::التغذيه : انا دخلته يوم كامل ما شفت جاء لا غداء و لا عشاء من غداء الصباح حضر الفطور و الفطور يعني مو ذاك الزود يعني من وين ياكلون الي في الحجز....؟
اقولكم وش تبون ياكلون الي في الحجز ..؟
يدورون على قطعة حجر او بمعنى اخر رضم ياكلونة مثل جيش العسكري.
فلم شفت الوضع كذا مكركب طلبت من العسكري الموجود اني بطلبهم او اكل بسكوت معدتي الي من الصبح تدبك من الجوع .. رد على العسكري بكل لباقة في الكلام وبأدب قال دق على أهلك.. طيب قلت انا هلي مو بحائل يعني مثل مايقولون مقطوع من شجرة..؟
الحل ياعسكري..قال:- دبر عمرك.
طيب على الاقل ابي ماء للشرب للحلق الي من الصبح ما خش فية ولا شيء من الأكل..؟
قال شفت الي ورى ظهرك قلت ايه ... مقصود من معنى كلامة الي هي الحنفية او المغسلة بالحمام..
قلت ايه قال انطلق مثل الغزال اشرب..
::خامس شي:: كبار السن : دخلت الحجز و تفاجات بشخص كبير بالسن تقريبا 70 سنه محجوز و سالته وش الي جابك هنا قال ( ملعون الوالدين العسكري لاني رخصتي نسيتها بالبيت -دعوه من قلب مظلوم.- الله لا بوفقه و يبتلي في نفسه و عياله ) يعني شخص كبير كبر والدك المفروض تمشيه احترام للشيبات الي في وجه وش كسب من الشايب غير الدعاء عليه و على اولاده ..
::سادس شي ::السكران : شخص داخل الحجز سالته وش جابك انت هنا قال مسكوني سكران ؟؟؟؟؟
يعني الحجز الي انا فيه حجز المرور يعني الي مسرع او قاطع اشاره او مفحط او اي شي يتعلق بالمرور هم الي يدخلونه وش الي جاب السكران الى حجز المرور و يقولون انه دخل علينا و هو سكران يعني ممكن يسوي أي شي في المحجوزين او يحرق الحجز او يسوي أي شي لانه فاقد عقله
س/ لماذا السكران في حجز المرور ؟؟؟
::سابع شي ::السيكل : موقف طريف باكستناني وقف عند اشاره بسيكل نزل من السيكل و مشاء على اقدامه و االسيكل يدفعه بيدينه و شافه العسكري و مسكه و حطه بالحجز ليش لانه قطع الاشاره و هو ماشي على اقدامه
اول مره اعرف الي يمشي على اقدامه يتقيد بالاشاره !!!!!
::ثامن شي :: شخص من نفس المرور : شخص اخر سالته وش جابك انت بعد قال زميلي؟
قلت شلون..؟
قال انا من المرور زميلي فيه بيني و بينه مشاكل و اتهمني بالسرعه و دخلت!!
يعني اذا فيه مشاكل بيني وبين اشخاص اتهمه و اظلمهم حتى اخذ حقي او ارتاح ؟؟؟!!
::تاسع شي:: مشكلتي : انا ماشي ما تعديت 100 و امامي نقطة تفتيش و اخذ اثباتي و قال لي وقف السياره و تعال وقت السياره و رحت عنده قال انت مسرع قلت شلون قال انت سرعته 135 قلت مو صحيح و وقف شخص اخر و قال له انت مسرع و سرعتك 150 و جاء زميله قال هذا اعرفه خله يمشي و اعطائه اثباته و مشى وقال لي انت اركب الدوريه قلت ليش قال الحجز وانا الي اعرفه ان الي مسرع فوق 150 يحجز و الباقي ياخذ مخالفه وقلتله انا اخذ مخالفه مو حجز قال مو على كيفك قلت له انا عسكري واعرف القونين قال وين تشتغل قلت الدوريات قال يا هلا و مرحبا انا فرحت قلت راح امشي و قال هذا الي ابيه الي من الدوريات استغربت و دقيت ادور واسطه و كل من دقيت عليه يقول ما اقدر فيه مشاكل بين المرور و الدوريات ما يحبون بعض كل قطاع يدور الشي الي يضر القطاع الاخر..
::عاشر شي ::
الي من جد جنني من شافته عيوني الاثنين
شفتو الي قريتوه توكم ولا شيء جمب اللي بتشوفونة
شي من جد يطير العقل..
دعاء من قلب مظلوووم { وربي ظلم} صغير وشاب وكبير بالعمر كلهم مثابت واحد مافي فرق مو حرام كذا يابشر
المهم ما احب اطول عليكم.:: اخليكم بالي شافته عيوني
لم كنت موقف بطريق مع العسكري واقف احاول فية فالمهم من كلامي كلة ان العسكري الثاني وقف سيارة فيها شخصين بالعربي مو أي شخصين يعني السواق كبير في العمر[30-40] والراكب معاه امه .؟
تخيلووو جا العسكري وبكل وقاحة سوى حركة ماهي بصاحية لو تشووفوها تتوقعووه انه يستهزء او انه سكران او من اصلة مافي رحمة بقلبة بتاتا..وقف السيارة وقال للسواق عطن اثباتك عطاه اثباته قال العسكري للسواق انت مسرع ولازم اوقفك بالحجز السواق فكرة انه ينكت او شيء من هذا القبيل.؟
قال السواق للعسكري انت تتكلم من جد قال العسكري لا وش رايك انكت معك احسن
قال يالله انزل واركب بالدورية..؟
طيب .. قال السواق وامي شنو اسوي فيها..
هههه بكل وقاحة خلي أي واحد من عيالك يجي ياخذها........؟
بالله شنو رايكم؟؟
وبالنهاية بعرض لكم بعض الصور الي اخذتها بالحجز وانتوا ورأيكم ..؟
مكان تجميع الزباله امام البا ب

مكان تجمع باقي الاكل داخل الحجز

الباب داخل الحجز

الجدار في الحجز

سقف الحجز

بعض من السراير الي في الحجز الي على اليمين متغطي بالبشته و الي فوق بدون غطاء و وساده

شوف بعيونك الوسخ و الغذاره بالحجز

شوف شخصين نايمن بدون غطاء او وساده و واحد متغطي بشماغه و شخص اخر بدون مكان نايم على الارض


شيــــــــــطوون...