لاوعذاب اللي لـه شهـور وأعـوام
مايهتني بالنـوم مـن شـي حاديـه
أن قلت ضيقه .. كنها ثقل الأهـرام
في قلبي وضيقه من سنيـن مخفيـه
وأن قلت هم ً .. حارت حروف الأقلام
مع الفكر وشلـون أهمـي أبحكيـه
ياوجد حالي .. وجد أبو عدّي صـدام
على الحكم ومسـدس ًبيـن أياديـه
قام يتذكـر سطوتـه بيـن الأقـوام
واليوم شاف الموت بعيـون قاضيـه
كله سبايب من علـى سيفـه زمـام
اللي برى حالي عسى الشوق يبريـه
دخلت من شانه أنـا حقـل الألغـام
من شان يدري كم أنـا ميـت ً فيـه
كنت أنتظر للعيد من عام لـي عـام
من شان شوفـه أسعـد الله لياليـه
حبيت من شانه .. خواله والأعمـام
حرام .. لو يشرى رضاهم لأشريـه
كانت تقول .. أني أنا حلـم الأيـام
كانت تقـول .. العهـد والله لأوفيـه
كانت تقول .. أوهام بأوهام بأوهـام
لا واحسايـف قلبـي اللـي معنيـه
لاواخساره .. عاشق أضغاث الأحلام
لاواخساره .. قلبـي الهـم كاويـه
عز الله أني بالهوى شفـت الأسقـام
وعز الله أن القلـب كثـرت بلاويـه
خلاص أنا بالحـب نكسـت الأعـلام
ماعاد لي بالحب حاجـه/ ولا أبيـه
الشاعر عبد المجيد السليمان
تحياتي ........ برق الوسم .
خلاص أنا بالحـب نكسـت الأعـلام &&& ماعاد لي بالحب حاجـه/ ولا أبيـه 
العرض العادي
