ياوجد حالي وجد من يطلب الديـن=وضاموه في وضح النهار الرجالي
ذبح ولدهم بالخطـا قبـل يومين =ولقوه في دواً مـن النـاس خالـي
يوم شافهم للشر بالفعل ناوين=والفعل يبقى ورث الاجيال تالي
اخذ براي الشايبين القديمين=وارخص لعمراً عند الانذال غالي
وبدا بذبح اللي قريبٍ موالين=والله كتب لاعمار خصمه زوالي
وذبح ثلاث وصاب خمسه وعشرين=واقفـا وخـلا زوجتـه والعيالـي
وصى بهم حامـي بـلاد الحرميـن=ثـم قـال ياربـي عليـك اتكالـي
وسلم لنفسه في ضحى يومه الشين=للمركز اللي كـان حولـه موالـي
وادخل ورا البيبان ضمن المساجين=وابطا ولازاره من النـاس والـي
وشاف العنا والهم والغبن والبيـن=وصابه من اللوعة شبيـه الهبالـي
وزاروهم الشيخان وايضا السلاطين=و قالو نسوق الجاه هـو والحلالـي
وعيو ماهم بالجاه والمال معطيـن=والعفو ماله مـن طرفهـم مجالـي
ماوافقو عن كـل صلحـاً معييـن=وايقن بيوم المـوت مابـه جدالـي
وان طال وقته صار بين المجانيـن=ياعـل مافالـه لنـا صـار فالـي
وانا خذيت من المبـادي عناويـن=وسهرة بالسباب الروابـع ليالـي
على الذي صوب ضميري بسهميـن=واللي جرى لابن الملـوح جرالـي
الجادل اللي تملك العقـل والزيـن=والعقل تكمـل ميزتـه بالجمالـي
لكن البلا عن ديرة الزيـن منحيـن=وديارهم مابـه خطـوط اتصالـي
بدواًعلى مشهـات الاذواد ماشيـن=بمراحهـم ماهـل دور الهـلالـي
علميبهم بديارهـم قبـل شهريـن=غربي جبل حبران شـدو شمالـي
بديـار مابـه للمخطـط تثامـيـن=للبـل عطايـاالله مراتـع مفالـي
ياوجد حالي وجد من يطلب الديـن=وضاموه في وضح النهار الرجالي 
العرض العادي
