تعبت من جرح الليالي والايام = وتعبت اداوي الجرح والقلب مدفون
ياوجد حالي وجد فطام(ن) أيتام = أو وجد منه بالمعاليق مطعون
أو وجد منه حاكمينة بالاعدام = من بعد عشر سنين بالظلم مسجون
لو ينقسم حزني على كل الانام = يبقى معي على الاقل منه مليون
وحظي سويد الوجه لاطاح ماقام= ولاقام من نومه غدا فعل مجنون
الوقت جاير والبشر حيل ظلاًم = وبفعلهم دايم على الروح يخطون
ولاأقبل سواد الليل والناس نيام = قامت تنازعني على نومي شطون
كن العيون عن الغفا تقضى صيام = تسهر وحدها غصب والخلق يمسون
والمشكله اني لاتناسيت الالآم = لقيت في دمي عن الوقت مخزون
احيان اقول الحزن لو طال مادام = واحيان اقول شلون والجوف مغبون
واحيان احس الحزن له قصة هيام = مع وحدة(ن) عاشت حياته بلا لون
لوحة حياتي له غدا الحزن رسام= يرسم ملامح باهته تنزف طعون
لا العين مليومه ولاالقلب منلام = ولايلام اللي قضى العمر محزون
لكن عسى اللي بالمخاليق علام = اللي لبيته كل عاما يحجون
يفرج لنفس(ن) صارت احلامه أوهام = ويهونه لاضاقت وعين تهون