هبوب الشمال اللي تهبين كل عصيـر=اهنيـك يـوم انـك تمريـن بالديـره
امانه اذا جيتـي تجيبيـن لـي عبيـر=هذيك الديار اللي ملا القلـب تقديـره
احب الجبل محبة كليب عنـد الزيـر=محبة وطن ماهي لنوره و لا منيـره
تسوى مصيف جنيف لو جوها معصير=و اذا ربّعـت وديانهـا يالله الخيـره
طلاق لا جيها لو اسافر علـى بعيـر=فيش ان السفاري بالسفر ما تبي غيره
كم اشتكت مكينة الجيب هي و القير=صوب الجبل جيبي كثـار مشاويـره
ياما خذيت من الاجازات و التاخيـر=ونوبٍ غياب ان صار بالوضع تدقيره
احيانٍ مسجّل غاب عن دفتر التحّضير=ونوب مسجل كمّـل سبـوع تاخيـره
ياما رفعت الضغط مع حضرة المدير=اكنسل قرارٍ ما بقى غيـر تصديـره
اجيها و اعوّد و اخذ ايام ثـم اغيـر=لامن طرت لي ديرتي صابني طيـره
الله يعين القلب و العين كـل عصيـر=والله يعين الجيب و ان سالت الديـره