بسم الله الرحمن الرحيم
انا سجلت بالمنتدى !!! تدرون ليش؟
(ادري الموضوع المفروض يكون بالترحيب بس والله احب العامه اسمحولي تكفون)
آخر مره بعده كل ماهذا تلقوني بالترحيب
بصراحه لا اعرف من وين ابداء
بس صحيت الساعه 2 فجرا من النوم ومابين عيوني الا حائل
ليش ماادري والله احبها بجنون لذالك تعوذت من ابليس وشغلت النت وقمت ابحث عن موقع عن حائل وتطربقت عليكم واتمنى انكم تقبلوني كعضو ثقيل عندكم بصراحه مايعرف حائل بجد الا اللي فاقدها
ولا الشخص لما يكون بحائل مايحس بغلاها لاكن صدقوني لها وحشه غير طبيعيه
بالسابق كنت اذا رحت لاي مدينه اخرى غير حائل ثم نكست(رجعت) اليها احس اني فاقدها بجد وكنت اتحسر(اتألم) في بعدي عنها واليوم قدر الله علي وابعدت عنها بجد على غير عاداتي
لذالك انتابني (اوجست)هذا الشعور
قسم بالله بكرى علي اختبارين والوقت متأخر من الليل وانا اتصفح في صور حائل
كنا بالسابق نتمنى الطبيعه والرفاهيه ولاكن لما تحصل لك تدرك ان غبار حائل افضل منها قد لا يشاركني البعض في هذا الرأي ولاكن هذي هي مدينة الصغر والذكريات والبرأه فلا بد انها سوف تزرع حبها في قلبك رغم عن انفك.
(اذا حولكم دختور نفساني تكفووون اسعلوه وشهي حالتي وش علاجها)
على العموم اشكركم على استضافتي في موقعكم الرائع
واتمنى من الجميع الترحيب بي لكي احس اني بينكم.
الزبده
آسف على الاطاله بس الواحد احيان يظرب فيوزه وتمسك غلط على سم ثنق
او فلسفه
وسوف اكون اكثر واحد مشاركات في هذا المنتدى وسوف ترون
ابي افرش فراشي بالمنتدى العام .
من بعد الاختبار اذا كان اختباري زين وإذا شين بجلس بقسم الترحيب الين الله يفرجها.
اخوكم
مغترب
دعوااااااااااااااتكم بالتوفيق