الرديه بصوت حامد الضبعااان

قـائـمـة الأوسـمـة · 29-Sep-2007, 07:13 AM

اقدم لكم اليوم الرديه الشهيرة ولكن بصوت المنشد الرائع حامد الضبعان
[فقط الأعضاء المسجلين و المفعلين عبر البريد يمكنهم رؤية الروابط. ]
وللإستزادة الآن اترككم مع المحاوره بين الشاعران/


	ناصر القحطاني و خالد عبدالرحمن نـــاصر: سلام والمركب عليه اثنين والساعه تدور والموج هادي والوعد قدام والرحله ذهاب إن غابوا الاجواد ماغابوا من اقفاص الصدور دق الجرس والعلم عجل به بعد طول الغياب خــالد: يامرحبا ياصاحبي واعبر بنا سبع البحور عليّ ادير البوصله وانت الله الله فالزهاب انا سمعت انك تحديت الذيابه والنمور والعام لك قلب خضر واليوم ماكنك شباب نــاصر: الوقت قاسي والفتى يبقى على الشده صبور وإن ماغدا الرجال ذيب يطيح بأنياب الذياب حتى الصديق الله وكيلك صار دمه مايفور وأنا لقيت الاصدقا معظمهم أشبه بالسراب خــالد: لا تامن الدنيا ولكن لايجي قلبك فتور أحد يشوف احلى البنات ولا يجي فيه انجذاب؟! ماللحباري فالقنص ياكود هدات الصقور وإن ماكفخ طير الفضاء معناته إن الراس شاب نــاصر: كلش ولا قطع الرجا فالطيبات من العطور لكن على شرع الله وسنة نبيه والكتاب بيض العذارى عسجديات الجسد ضمر الخصور سود العيون مجدلات الروس تلعات الرقاب خــالد: بالله قل لي مابرا جرحك بعد بدر البدور ماعوضوك الفاتنات (الذاهبه) والجرح طاب كم واحد لا مرته مزيونه بعمر الزهور ضاعت علومه والصواب الله يجيبك يالصواب نــاصر: أحد على الدنيا وهو كنه من أصحاب القبور وأحد يجي ويروح مع خله وهو تحت التراب يا اللي نسيت ان الهوى يبقى على مر العصور بنشدك عن برق سرى بك وانت من فوق السحاب خــالد: معلمك ياصاحبي بالسالفه والعلم نور وش بك تقول الشمع ذاب .. الشمع مايمديه ذاب والبارق اللي مرني وانا ادعي بقلب شكور هذاك خير طاح بأرض الغير والرب استجاب نــاصر: وش بينك وبين المدينه والشوارع والقصور ماقد شبعت من الخلا الخالي ومن روس الهضاب الناس ماتبطي ولو راحت مراويح الطيور ترمي تعبها فالبيوت وتستريح من العذاب خــالد: البر يشرح كل صدر ويقلب الضيقه سرور وأنا إلى جيته يمر الوقت مااحسب له حساب يا ما حلا طوي الخبوت وسجة الخاطر شهور ولا معك غير النشاما اللي يعزون الجناب

قـائـمـة الأوسـمـة · 30-Sep-2007, 07:35 PM

وتبقى الروح روحي

شكراً

لكـ على النقل الرااااائع

تقبلي مروري ودمتي بكل ود

قـائـمـة الأوسـمـة · 02-Oct-2007, 03:24 AM

اقتباس:

المشاركة الأصلية كتبت بواسطة نايف السمحان

وتبقى الروح روحي
شكراً
لكـ على النقل الرااااائع
تقبلي مروري ودمتي بكل ود

هلابك ملايين

العفو ربي يسلمك

تحياتي لمرورك الكريم

دمت في خير حال

قـائـمـة الأوسـمـة · 02-Oct-2007, 03:57 AM

يعطيك العافية..

بس..

مين هذا حامد الضبعان!!!!!

02-Oct-2007, 04:11 AM

اقتباس:

المشاركة الأصلية كتبت بواسطة منصور الضبعان

يعطيك العافية..
بس..
مين هذا حامد الضبعان!!!!!

منصور حتـى أنا ما اعرف حامد الضبعان ياخي أحـس أن مر هالاسم علي بس وين ما ادري

وتبقى الروح روحي لك الشكر يا عزيزتي .... وإبداع بصوت ابــو صالح ...

قـائـمـة الأوسـمـة · 03-Oct-2007, 02:39 PM

اقتباس:

المشاركة الأصلية كتبت بواسطة منصور الضبعان

يعطيك العافية..
بس..
مين هذا حامد الضبعان!!!!!

هلابك

يعافيك ويسلمك

ماادري بس اللي اعرفه انه منشدي المفضل

تحياتي لمرورك العطر
دمت بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري