زرعتي بساتين الغلى وسط معلوقـي=
الين ازهرت حب وتعابيـر واشواقـي =
وشلتي خيوط الحسد من داخل الموقي=
لما شفت عدواني حبيبين واصداقـي =
وجاء ذوقك المرهف على منتهى ذوقي=
متى يجتمع بالكـون حلـوٍ وذواقـي =
وعطيتيني الوقت الذي كنت مسروقي=
لما صرتي احساسي واناسي وترياقي =
وشلتي هموم معلقـاتٍ علـى طوقـي=
لما اصبحت حرِّ مثل مطلوق الاسباقي =
رتقتي بعطفك خافـقٍ كـان مفتوقـي=
بليا ألم سرتي إلـى داخـل اعماقـي =
وسرى حبك الدافي كما الدم بعروقـي=
عسى ما يجي يومٍ تحسيـن بفراقـي =
وهبتيني اضعاف على كامـل حقوقـي=
وش اجزيك يا حلم سكنتـي بخفّاقـي =
احبك بروحي وانتي الروح والشوقـي=
أو اهديك قلبي وانتي المالـك الباقـي =
ملكتي بدوىٍ خايلـك غيـم وبروقـي=
على اول حلول الوسم والبدو تشتاقي =
لريح المطر يا مزنـة همللـت فوقـي=
فديتك بكل اللـي ملكتـه مـن نياقـي =
اغني لك الحاني على كـل طاروقـي=
واكحّل عيون الشعر في حبك الراقـي =
قصيدتي (ريح المطر) غناء عبدالله الصريخ 
العرض العادي
