قصيده للشاعر ناصر القحطاني

يغازل فيها غاده اتمنى انا تنال اعجابكم




جيت ياكثـر السوالـف والقصائـد
الـدلال مبهـره لعـيـون غــاده

جيت اسامرها واحـط لهـا وسايـد
من شجـونٍ قتلهـا للبـرد عـاده

جيـت اغنـي والغـلا كلـة وقايـد
عل ذيـك النـار ماتصبـح رمـاده

جيت ابي من وصلهاجـروحٍ جدايـد
القديمـه ملهـا الليـل وســواده

مثـل ماملـت عتيقـات القـلايـد
وجيت البسها من اشعـاري قـلاده

غيرها مابي رخـا وقـت الشدايـد
ولا تبـي لأحـدٍ بعاشقهـا شهـاده

ان رضت ماظني رضاالنـاس كايـد
ولوتضايق ضـاع مفتـاح السعـاده

كم لقيت اللي لقيـت مـن النقايـد
من نصيـبٍ طولـت كبـوة جـواده

كم قضى ليلي وانا اطـارد شرايـد
الدموع لحـاف والهاجـس وسـاده

لاعني التحنـان مـا للصبـر فايـد
قلت اسوق الدرب يكفينـي جـلاده

وجيت اصب الشوق يوم الشوق زايد
عـل خاطرهـا خـذا منـه مـراده

والا انا لـي تالـي اللقيـا عوايـد
قهوتي مـن جمرهـا سكـر زيـاده