كان شيخا كبيرا تبدو عليه ملامح الحكمه والوقار ..
إلا عندي لك اقتراح حلو ..
وش رايكم احكي لكم الحادثه باللهجه المحببه الينا جميعا
السهل الممتنع ( العاميه ) ..
خلا ص حبايبي ...
نبدا من الاول ............
مره من المرات كنا جالسين في احدى المناسبات الاجتماعيه وكانت المناسبه ( محفوفه ) يعني مختصره يعني ناس نقووه ,
وشوي الا ويدخل علينا شايب شكله من الاولين يعني كبير قوووه
وقمنا وسلمنا عليه وافسحنا له في صدر المجلس احتراما وتقديرا
المهم بعد ما صبينا القهوه له والشاي ,
سئل عن ابو حسن وقلنا له ان ابو حسن يالله يقوم من النوم بعد العصر
رد علينا على طول وبسرعه ليه وين صلاة الجمعه والجماعه ما تخافون الله
حرام عليكم تسكتون عليه الواجب انكم تنصحونه وتوقفون في وجهه ,
المهم ان كلنا انطرمنا ما عرفنا نرد لان الحق كله معه ,
قال لنا اسمعوا هالسالفه الحقيقيه والموثقه عشان تدرون وش انتو عليه من حال
يقول ايام الشباب يعني من حوالي تسعين سنه او اكثر كان لي جار توه متزوج
من بنت جيرانهم الطيبين..... ايام كان الجار له عز وله صوله وجوله
وفي ليله من الليالي كان المطر شديد ورعود وبروق وبرد
وحالة بيوت اول.... الله اعلم بها ... كلها طين وسعف وخشب أثل
ولا كهرب ولا يحزنون ,
المهم.... أذن المؤذن لصلاة الفجر والسماء ما زالت ( منشقه ) بغزاره
صحى الجار من النوم للاستعداد لاداء صلاة الفجر
سئلته زوجته علي وين يا ابو حمد رد عليها يعني وين اكيد بروح اصلي
قالت له في هالمطره والبردي والله ما تروح صل في البيت وترى الدين يسر ما هو عسر قال لها ابروح ...الصلاة في البيت للحريم والرجال في المساجد ..
ووخري عن وجهي احسن لك ,
المهم راح للمسجد وقبل يوصل للمسجد طاح طيحه الله لا يوريك في حفره كلها طين
وتملا كل جسمه وثيابه طين ومطر ,
ما درت الزوجه الا وزوجها داخل راجع قالت سلامات وشفيك قال طحت في حفرة طين
وتوسخت كل ثيابي قالت له انا قايله لك من اول بس انت ماتسمع الكلام بسم الله عليك الرحمن الرحيم يا عين هلي تعال تعال انشفك واغسل رجليك
فرد الزوج عليها بسرعه جيبي لي ثوب ثاني وملابس نظيفه انا بروح اصلي في المسجد لو ويش يصير , بس انت ما عندك الا هالثوب وثوب العيد ,,,
صاح عليها جيبي ثوب العيد
قالت له يا ابن الحلال صل في البيت ولا تصير عومه
المهم توضاء ابو حمد من جديد ولبس ثوب العيد وطلع من بيته رايح للمسجد
وهو طالع لقا واحد يمشي ومعه سراج ينور طريقه قال له ابو حمد جابك الله من شوي كنت رايح للمسجد وطحت على وجهي وامتلت هدومي طين مطر ,
قال هالواحد اللي ماسك السراج لا ولا يهمك انا انور عليك الين المكان اللي تبي
في خدمتك , المهم وصلو المسجد توقف اللي ماسك السراج واستغرب ابو حمد
وقال له... يالله... جزاك الله خير دخلنا المسجد عن هالمطر والطين ..؟
رد عليه اللي ماسك السراج..... انا ما ادخل المسجد قال له ابوحمد ليه ؟
رد عليه اللي ماسك السراج لاني انا ( أبليس )
وانت انشبتنا وغثيتنا....... بتروح تصلي رح بس لا تطيح
انت من شوي يوم انك تطيح..... الله غفر لك ولاهل بيتك ..
وخفت تطيح ثانيه.... يقوم ربي يغفر لاهل الحي بسبايبك
فقلت في نفسي نوصل هالمؤمن الغثيث للي يبي بس لا يطيح ويورطنا بمغفرة ثانيه ..
شفتوا مدى حرص إبليس ؟
هذا هو إبليس حريص كل الحرص على اغواء بني آدم
(( ان كيد الشيطان كان ضعيفا ))

وسلمت اخي عبدالعزيز على مرورك

قصة جميلة

قصة راائعه فيهااا حكمة كبيره

يعطيك الف الف عاافيه يالبسااام

الله يعطيك العافيه أخوي البسام

قصة رآئعه