يابنـت يالله صـكـي الـخـط صكـيـه
لاابغى أتعرف لا ولاأبغى علاقة

ماني من اللي نغمةالصوت تغريه
ولاني من اللي يشحنون البطاقة

أنـا علـى درب الرجاجيـل ساعيـه
سلـمٍ عطانيـه الزمـن والرفاقـه

ماهوب سلم اللـي تعـدى مباديـه
كنه مخلي فوق راسـه طباقـة

مـرات "كابـوريـا" ومــرات "كـاريـه
دايم مكانه فـي محـل الحلاقـة

وياكثرهـم كانـك تبيـن "الدهاديـه"
اللي يشوف الثـور ويقـول ناقـة

كلمـة "الـو" ويجـيـك: لبـيـه لبـيـه
عنده على زود السفاهة طفاقة

لكـن نصيحـة مـن سـ"سلمى"ــفير وتنبـيـه
بعض الخطأ يوجع ويذبح طراقه

لا يخدعـك حكـيٍ يسليـك راعـيـه
مهما لقيتي في لسانه طلاقـة

شـيٍ تشوفينه تسـلـي وترفـيـه
باكـر تشوفينـه خـطـأ وانـزلاقـة

يعني خذيها كاش من دون تمويه
مالك ومال المعرفه والصداقه
وســـــــــــــلامـــــــتكم