سو الي براسك ولاتذكـر اسبـاب
لاصرت بايعنـي توكـل علـى الله
مابيني وبينـك مشاريـه وعتـاب
شف دربك الي جيـت منـه تدلـه
ماراح تغلبني لـو الحـب غـلاب
من حضرتك عشـان قلبـي تذلـه
زلاتك الي مانفـع فيهـا احسـاب
لاجيـت اعددهـن ثمانيـن زلـه
احرجتني بين القرايـب والاحبـاب
كن الجفا سيـف بوجهـي تسلـه
ماكنت اقصر فيك من كثرالاعجـاب
يومك تساوي عندي الكـون كلـه
كنت القريب وكلهم كانـوا اغـراب
حتى القمر لاغـاب شفتـك محلـه
خلاص لاترجع ترا خاطـري طـاب
ابي طرا اللي كنت عايـش بظلـه
رح واعتبرني واحد اذنـب وتـاب
مانـي بثـوب تلبسـه ثـم تملـه
مايجتمع بالحـب صـادق وكـذاب
رزقي على الله وانت رزقك على الله

اعجبتني فانقلتهالكم